നടുവണ്ണൂര്‍: സംസ്ഥാന പാതയിലെ കരുവണ്ണൂര്‍ ടൗണില്‍ ഹമ്പിന് സമീപത്ത് റോഡ് തകര്‍ന്നിട്ട് അധികൃതരുടെ ശ്രദ്ധയില്‍പ്പെടുത്തിയിട്ട് മാസങ്ങള്‍ കഴിഞ്ഞിട്ടും നടപടിയില്ലാതെ യാത്രാ ദുരിതം പേറി ജനങ്ങള്‍.
റോഡ് കുണ്ടും കുഴിയുമായ് തകര്‍ന്ന അവസ്ഥയിലാണ്. ഈ ഭാഗത്ത് കുറച്ച് മുന്‍മ്പ് ക്വാറി വെയിസ്റ്റ് ഇറക്കിയിരുന്നെങ്കിലും മഴ പെയ്തതോടെ അതും ഒലിച്ച് പോവുകയാണ് ഉണ്ടായത്.
ഈ ഭാഗത്ത് ബൈക്ക് യാത്രക്കാര്‍ നിരന്തരമായി അപകടത്തില്‍ പെടാറുണ്ട്. നടുവണ്ണൂര്‍ ഗ്രാമപഞ്ചായത്തിലെ അഞ്ചാം വാര്‍ഡിലാണ് ഈ ഭാഗം സ്ഥിതി ചെയ്യുന്നത്.
കരുവണ്ണൂര്‍ ടൗണിലെ പ്രധാന ഭാഗത്തായത് കൊണ്ട് ഇവിടെ ഗതാഗത കുരുക്കും അനുഭവപ്പെടാറുണ്ട് റോഡ് എത്രയും പെട്ടെന്ന് റീ ടാറിങ്ങ് നടത്തി ഗതാഗതയോഗ്യമാക്കണമെന്ന് നാട്ടുകാര്‍ ആവശ്യപ്പെട്ടു.
Locals say no action has been taken even months after the road collapsed in Karuvannur town
.jpg)
