ചെറുവണ്ണൂര്‍ : ചെറുവണ്ണൂര്‍, മേപ്പയൂര്‍, പഞ്ചായത്തിലെ റേഷന്‍ വ്യാപാരികള്‍ ചെറുവണ്ണൂരില്‍ സമ്മേളനം സംഘടിപ്പിച്ചു.
ഭക്ഷ്യ സുരക്ഷ പദ്ധതിയുടെ ഭാഗമായി റേഷന്‍ കടയില്‍ വാതില്‍പ്പടിയിലൂടെ വിതരണം ചെയ്യുന്ന ഭക്ഷ്യ ധാന്യങ്ങളില്‍ വെറൈറ്റിയില്‍ മട്ട അരി കൂടുതലായി വിതരണം നടത്തുന്നതിന് വലിയ ബുദ്ധിമുട്ട് നേരിടുന്നതായ് വ്യാപാരികള്‍ സമ്മേളനത്തില്‍ പറഞ്ഞു.
എഎവൈയ് വിഭാഗത്തിന് പച്ചരി വിതരണം ചെയ്യണമെന്ന് വ്യാപാരികളുടെ സമ്മേളനം ആവശ്യപ്പെട്ടു.
താലൂക്ക് പ്രസിഡന്റ് രവീന്ദ്രന്‍ പുതുക്കോട് മുഖ്യ പ്രഭാഷണം നടത്തി. ജനറല്‍ സെക്രട്ടറി പി. പവിത്രന്‍ ഉദ്ഘാടനം നടത്തി.
ചടങ്ങില്‍ ദീര്‍ഘകാലം റേഷന്‍ വ്യാപാരിയായിരുന്ന എആര്‍ഡി 83 ആയിരുന്ന പാലിശ്ശേരി മൊയ്തിക്ക് ചെറുവണ്ണൂര്‍ പഞ്ചായത്ത് കമ്മറ്റി നല്‍കിയ ഉപഹാരം താലൂക്ക് പ്രസിഡണ്ട് രവീന്ദ്രന്‍ പുതുക്കോട്ട് നല്‍കി.
ചടങ്ങില്‍ വൈസ് പ്രസിഡണ്ട് ശശി മങ്ങര, താലൂക്ക് ട്രഷറര്‍ മാലേരി മൊയ്തു, വേണുഗോപാല്‍, പി. ജാഫര്‍, കെ. നാരായണന്‍ എന്നിവര്‍ സംസാരിച്ചു.
Unscientific change in variety of foodgrain distribution in ration shops: AKRRDA
