പേരാമ്പ്ര: കായണ്ണയിലെ വഴിയോരങ്ങളെ പ്രഖംഭനം കൊള്ളിച്ച് ഡിവൈഎഫ്ഐ സംഘടിപ്പിച്ച യുവജന റാലിയില് നൂറുകണക്കിന് യുവതീ യുവാക്കള് പങ്കെടുത്തു.
കൂത്തുപറമ്പ് രക്തസാക്ഷി ദിനത്തോടനുബന്ധിച്ച് പേരാമ്പ്ര ബ്ലോക്ക് കമ്മിറ്റിയുടെ ആഭിമുഖ്യത്തിലായിരുന്നു കായണ്ണ ബസാറില് യുവജന റാലിയും പൊതുയോഗവും സംഘടിപ്പിച്ചത്.
ഡിവൈഎഫ്ഐ സംസ്ഥാന കമ്മിറ്റി അംഗം ടി.കെ സുമേഷ് ഉദ്ഘാടനം ചെയ്തു. ബ്ലോക്ക് കമ്മിറ്റി പ്രസിഡന്റ് പി.എസ് പ്രവീണ് അധ്യക്ഷനായി. ബ്ലോക്ക് സെക്രട്ടറി എം.എം ജിജേഷ് ദീപശിഖ തെളിയിച്ചു.
ടി.സി ജീപിന് പ്രതിജ്ഞ ചൊല്ലിക്കൊടുത്തു. ജംഷീദലി മലപ്പുറം മുഖ്യപ്രഭാഷണം നടത്തി. സിപിഎം കായണ്ണ ലോക്കല് സെക്രട്ടറി കെ.രമേശന്, പി.കെ. അമല് ഷാഹി, കെ. പ്രിയേഷ്, എസ്.യു രജിത്ത്, ആദിത്യ സുകുമാരന് തുടങ്ങിയവര് റാലിക്ക് നേതൃത്വം നല്കി.
മേഖല സെക്രട്ടറി എ.സി. ശരണ് സ്വാഗതം പറഞ്ഞു.
DYFI organizes youth rally and public meeting in Kayanna