പേരാമ്പ്ര: കോഴിക്കോട് ആദിവാസി മേഖലയില്‍ രാജ്യത്തെ മികച്ച വനിതാ സംരംഭകര്‍ക്കുള്ള പുരസ്‌കാര നിറവില്‍ ചക്കിട്ടപാറ സ്വദേശികളായ ശോഭയും ഉണ്ണിമായയും.
സംസ്ഥാന വനിതാ വികസന കോര്‍പറേഷന്‍ പേരാമ്പ്ര, ചക്കിട്ടപ്പാറ മുതുകാട് കോളനികളില്‍ നടത്തി വരുന്ന വനമിത്ര ആദിവാസി വനിതാ ശാക്തീകരണ പദ്ധതിയുടെ ഭാഗമായി തൊഴില്‍ സംരംഭത്തിനു തുടക്കമിട്ടതിനാണ് പുരസ്‌കാരത്തിന് അര്‍ഹരായത്.
കേന്ദ്രസര്‍ക്കാര്‍ ആസാദീ കാ അമൃത് മഹോത്സവിന്റെ ഭാഗമായി വിശാപട്ടണത്ത് നടത്തിയ ചടങ്ങില്‍ ആന്ധ്രപ്രദേശ് പട്ടികവര്‍ഗ ക്ഷേമ കാര്യ സെക്രട്ടറി കാന്തിലാല്‍ ഡാന്‍ഡേയില്‍ നിന്ന് ഇരുവരും പുരസ്‌കാരം ഏറ്റുവാങ്ങി.
വനമിത്ര ആദിവാസി വനിതാ ശാക്തീകരണ പദ്ധതിയുടെ ഭാഗമായാണ് ഇരുവരും തൊഴില്‍ സംരംഭത്തിനു തുടക്കമിട്ടത്. 30 പേരടങ്ങുന്ന വനമിത്ര തയ്യല്‍ യൂണിറ്റാണ് അഞ്ചുവര്‍ഷം മുന്‍പ് ചക്കിട്ടപാറയില്‍ തുടങ്ങിയത്.
തിരഞ്ഞെടുക്കപ്പെട്ട ആദിവാസി ഊരുകളിലെ 18 നും 55 നും ഇടയ്ക്ക് പ്രായമുള്ള വിദ്യാര്‍ഥിനികള്‍ക്കും വനിതകള്‍ നൈപുണ്യ വികസനം, ആരോഗ്യം, വിദ്യാഭ്യാസം എന്നിവയില്‍ പരിശീലന പരിപാടികളാണു പദ്ധതിയില്‍ നടപ്പാക്കിയത്.
ചക്കിട്ടപ്പാറ മുതുകാട് കോളനിയിലെ പട്ടാണിക്കുന്നുമ്മല്‍ ബാബുവിന്റെ ഭാര്യയാണ് ശോഭ, ഏച്ചിക്കാവ് ബാലന്റെ മകളാണ് ഉണ്ണിമായ വനിതാ വികസന കോര്‍പറേഷന്റെ വനമിത പദ്ധതി ദേശീയ ശ്രദ്ധ നേടിയതില്‍ അഭിമാനമുണ്ടെന്നു മന്ത്രി വീണാ ജോര്‍ജ് പറഞ്ഞു.
Chakkitapara natives win the award for the best women entrepreneur in the country in the tribal area
