പേരാമ്പ്ര: അസംഘടിത മേഖലയില് ജോലി ചെയ്യുന്ന തൊഴിലാളികള്ക്കായി സൗജന്യ രജിസ്ട്രേഷന് ക്യാമ്പ് നാളെ കൈപ്രത്ത്.
സേവാഭാരതി കൈപ്രവും അക്ഷയ കല്ലോടും സംയുക്തമായാണ് രജിസ്ട്രേഷന് ക്യാമ്പ് നടത്തുന്നത്. 28-11-2021 ഞായറാഴ്ച രാവിലെ 9.30 മുതല് 3 മണി വരെ കൈപ്രം അംഗംന്വാടി പരിസരത്ത് വെച്ചാണ് ക്യാമ്പ് നടത്തപ്പെടുന്നത്.
അസംഘടിത മേഖലയില് ജോലി ചെയ്യുന്നവരുടെ ക്ഷേമത്തിനായി കേന്ദ്ര തൊഴില് മന്ത്രാലയം നടപ്പിലാക്കുന്ന പദ്ധതിയാണ് ഇ- ശ്രം. തൊഴിലാളികളുടെ വിവര ശേഖരണത്തിനായി ഇ-ശ്രം പോര്ട്ടല് നിലവില് വന്നു.
ഈ പോര്ട്ടലില് രജിസ്റ്റര് ചെയ്യുന്ന തൊഴിലാളികള്ക്ക് 12 അക്ക പിന് നമ്പര് ഉള്ള രജിസ്ട്രേഷന് കാര്ഡ് ലഭിക്കുന്നു.
ദുരന്ത നിവാരണ സാഹചര്യങ്ങളില് അര്ഹരായ തൊഴിലാളികളുടെ ബാങ്ക് അക്കൗണ്ടിലേക്ക് നേരിട്ട് സഹായ ധനം എത്തിക്കാന് സര്ക്കാറിന് സാധിക്കും.
രജിസ്ട്രേഷന് വരുന്നവര് ആധാര് കാര്ഡ്, ബാങ്ക് പാസ്ബുക്ക്, ആധാറുമായി ബന്ധിപ്പിച്ച മൊബൈല് നമ്പര് എന്നിവ കരുതേണ്ടതാണെന്ന് അധികൃതര് അറിയിച്ചു.
Free registration camp for workers in the unorganized sector tomorrow