കോഴിക്കോട്: അട്ടപ്പാടിയിലെ നിലവിലെ പ്രത്യേക സാഹചര്യം പരിഗണിച്ച് ആസ്റ്റര് ഹോസ്പിറ്റലുകളുടേ നേതൃത്വത്തില് സൗജന്യ മെഡിക്കല് സേവനം ലഭ്യമാക്കുന്നു.
ആസ്റ്റര് മിംസ് കോഴിക്കോട്, കോട്ടക്കല്, കണ്ണൂര്, ആസ്റ്റര് മെഡ്സിറ്റി കൊച്ചി എന്നിവരുടേയും ആസ്റ്റര് വളണ്ടിയേഴ്സിന്റെയും നേതൃത്വത്തിലാണ് സൗജന്യ സേവനം ലഭ്യമാക്കുന്നത്.
വിദഗ്ദ്ധ ഡോക്ടര്മാരും മെഡിക്കല് ടീമും, ആസ്റ്റര് വളണ്ടിയേഴ്സും അടങ്ങുന്ന സംഘവും വിദഗ്ദ്ധ ചികിത്സാ സൗകര്യങ്ങള് സജ്ജീകരിച്ച ആസ്റ്റര് വാഹനങ്ങള് സഹിതമാണ് അട്ടപ്പാടിയിലെത്തുന്നത്.
ശാരീരികമായ അവശതകള് അനുഭവിക്കുന്ന കുഞ്ഞുങ്ങള്ക്ക് അതിനെ പ്രതിരോധിക്കാനാവശ്യമായ മരുന്നുകളും അസുഖങ്ങളുടെ യഥാര്ത്ഥ കാരണങ്ങള് കണ്ടെത്താന് ജനിതക പരിശോധ ഉള്പ്പെടെയുള്ള സജ്ജീകരണങ്ങള് ഏര്പ്പെടുത്തുമെന്നും, കൂടുതല് പരിശോധനയില് വിദഗ്ദ്ധ ചികിത്സയോ, ശസ്ത്രക്രിയ ഉള്പ്പെടെയുള്ള സംവിധാനങ്ങളോ ആവശ്യമായ കുഞ്ഞുങ്ങള്ക്ക് തികച്ചും സൗജന്യമായി അത്തരം സൗകര്യങ്ങള് ഏര്പ്പെടുത്തുമെന്നും ആസ്റ്റര് ഡിഎം ഗ്രൂപ്പ് ചെയര്മാന് ഡോ. ആസാദ് മൂപ്പന് പറഞ്ഞു.
സര്ക്കാര് നിര്ദ്ദേശിക്കുന്ന, ആതുരസേവനവുമായി ബന്ധപ്പെട്ട ഏത് സൗകര്യങ്ങളും ഒരുക്കുവാന് ആസ്റ്റര് ഗ്രൂപ്പ് തയ്യാറാണെന്ന് ഫര്ഹാന് യാസിന് (റീജ്യണല് ഡയറക്ടര്, ആസ്റ്റര് ഒമാന് & കേരള) അറിയിച്ചു. കൂടുതല് വിവരങ്ങള്ക്ക് ഫര്ഹാന് യാസിന് (റീജ്യണല് ഡയറക്ടര്, ആസ്റ്റര് ഒമാന് & കേരള) മായി ബന്ധപ്പെടാവുന്നതാണ്. നമ്പര്: 7025 767676 (വാട്സ് ആപ്പ്)
Free medical service from Aster Hospitals in Attappadi