---
title: "#sportscentre |മേപ്പയ്യൂരിന്റെ കായിക സ്വപ്നങ്ങള്‍ക്ക് ചിറകേകാന്‍ സ്പോര്‍ട്സ് ഫെസിലിറ്റേഷന്‍ സെന്റര്‍"
english_title: "#Sports #FacilitationCenter to give #wings to #sports #dreams of #Mepayyurvhss "
publisher: "perambranews.in"
canonical_url: "https://perambra.truevisionnews.com/news/134673/sports-facilitationcenter-to-give-wings-to-sports-dreams-of-mepayyur-vhss"
published_at: "2023-07-29T12:54:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/64c4bede87d81_0000_ATTACH__school.JPG"
keywords: []
---

# #sportscentre |മേപ്പയ്യൂരിന്റെ കായിക സ്വപ്നങ്ങള്‍ക്ക് ചിറകേകാന്‍ സ്പോര്‍ട്സ് ഫെസിലിറ്റേഷന്‍ സെന്റര്‍

> **Lead Summary:** **മേപ്പയ്യൂര്‍: **മേപ്പയ്യൂരിന്റെ കായിക സ്വപ്നങ്ങള്‍ക്ക് ചിറകേകാന്‍ സ്‌പോര്‍ട്‌സ് ഫെസിലിറ്റേഷന്‍ സെന്റര്‍ ഒരുങ്ങിക്കഴിഞ്ഞു. മേപ്പയ്യൂര്‍ ഗവ. വൊക്കേഷണല്‍ ഹയര്‍ സെക്കന്‍ഡറി സ്‌കൂളിലാണ് സ്പോര്‍ട്സ് ഫെസിലിറ്റേഷന്‍ സെന്റര്‍ ഒരുക്കിയത്.

## Article Content

**മേപ്പയ്യൂര്‍: **മേപ്പയ്യൂരിന്റെ കായിക സ്വപ്നങ്ങള്‍ക്ക് ചിറകേകാന്‍ സ്‌പോര്‍ട്‌സ് ഫെസിലിറ്റേഷന്‍ സെന്റര്‍ ഒരുങ്ങിക്കഴിഞ്ഞു. മേപ്പയ്യൂര്‍ ഗവ. വൊക്കേഷണല്‍ ഹയര്‍ സെക്കന്‍ഡറി സ്‌കൂളിലാണ് സ്പോര്‍ട്സ് ഫെസിലിറ്റേഷന്‍ സെന്റര്‍ ഒരുക്കിയത്.

സംസ്ഥാന സര്‍ക്കാരിന്റെ കിഫ്ബി പദ്ധതിയില്‍ ഉള്‍പ്പെടുത്തി 6.43 കോടി രൂപ ചിലവിട്ടാണ് സെന്ററിന്റെ നിര്‍മ്മാണം പൂര്‍ത്തീകരിച്ചത്.

ആറുവരിയുള്ള സിന്തറ്റിക് ട്രാക്ക്, ഫുട്ബോള്‍, വോളിബോള്‍, ബാസ്‌കറ്റ് ബോള്‍ കോര്‍ട്ടുകള്‍ എന്നിവയാണ് ഫെസിലിറ്റേഷന്‍ സെന്ററിലുള്ളത്.

കൂടാതെ, മൂന്നു നിലകളിലായി മള്‍ട്ടി ജിം, ഇന്‍ഡോര്‍ ഗെയിം ഏരിയ, ജമ്പിങ് പിറ്റ്, ഗെയിംസ് ഓഫീസ് എന്നിവയുമുണ്ട്. 2019 നവംബറിലായിരുന്നു പദ്ധതിയ്ക്ക് തറക്കല്ലിട്ടത്.

കായിക യുവജനകാര്യ വകുപ്പിന്റെ നേതൃത്വത്തിലാണ് പദ്ധതി നടപ്പിലാക്കുന്നത്. സര്‍ക്കാര്‍ ഏജന്‍സിയായ കിറ്റ്കോയുടെ നിയന്ത്രണത്തില്‍ ഊരാളുങ്കല്‍ ലേബര്‍ കോണ്‍ട്രാക്ട് സൊസൈറ്റിയാണ് കരാര്‍ ഏറ്റെടുത്ത് പണി പൂര്‍ത്തിയാക്കിയത്.

പൊതുവിദ്യാഭ്യാസ യജ്ഞത്തില്‍ ഉള്‍പ്പെടുത്തി നേരത്തെ മേപ്പയ്യൂര്‍ ഗവ. വൊക്കേഷണല്‍ ഹയര്‍ സെക്കന്‍ഡറി സ്‌കൂളിനെ അന്താരാഷ്ട്ര നിലവാരത്തിലേക്ക് ഉര്‍ത്തിയിരുന്നു.

ഇതിന്റെ ഭാഗമായി ആധുനിക സൗകര്യങ്ങളോടെയുള്ള ക്ലാസ് മുറികളാണ് ഒരുക്കിയത്.

### Related Links & Sources
- [Original Story Source](https://perambra.truevisionnews.com/news/134673/sports-facilitationcenter-to-give-wings-to-sports-dreams-of-mepayyur-vhss)