പേരാമ്പ്ര: ഭാഷാശ്രീ സാംസ്കാരിക മാസികയുടെ മുന് മുഖ്യപത്രാധിപര് ആര്.കെ. രവിവര്മ സാഹിത്യ പുരസ്കാര സമര്പ്പണവും അനുസ്മരണവും പേരാമ്പ്ര റീജനല് കോ-ഓപ്പറേറ്റീവ് ബാങ്ക് ഓഡിറ്റോറിയത്തില് പ്രശസ്ത സിനിമാ തിരക്കഥാകൃത്ത് ശത്രുഘ്നന് ഉദ്ഘാടനം ചെയ്തു.
പ്രകാശന് വെള്ളിയൂര് അധ്യക്ഷനായി. ഭാഷാശ്രീ പത്ത് വര്ഷം പിന്നിട്ടതില് മുഖ്യ പത്രാധിപര് പ്രകാശന് വെള്ളിയൂരിനെ അഭിനന്ദിച്ചു. സാഹിത്യത്തിലെ സമഗ്ര സംഭാവനകള് മുന്നിര്ത്തി ജോസഫ് പൂതക്കുഴി, ബാലസാഹിത്യത്തില് സുരേഷ് മഠത്തിപ്പറമ്പ് കോട്ടയം (ബാലകഥ - തെരുവിന്റെ സംഗീതം ), ബിന്ദുവെങ്ങാട് മലപ്പുറം (ബാലകവിത- മഴത്തുള്ളികള് ) , നാസര് കക്കട്ടില് കോഴിക്കോട് ( പുനരാഖ്യാനം - കാളിദാസ കൃതികള് കുട്ടികള്ക്ക് ) എന്നിവരും സാഹിത്യത്തില് ശ്രീല .വി .തൃശൂര് (കഥ-വക്കു പൊട്ടിയ വാക്കുകള്), വി.കെ.വസന്തന് വൈജയന്തിപുരം കോഴിക്കോട് (കവിതാ സമാഹാരം -ഇരുട്ടിനെ എനിക്ക് ഭയമാണ്), കെ.വി.കുഞ്ഞിരാമന് ( യാത്രാ വിവരണം - നയാഗ്രാ.. നിനവുകളില് നീയും), അശോകന് ചേമഞ്ചേരി കോഴിക്കോട് (ലേഖനം -ജീവിത ശൈലീ രോഗങ്ങളും പ്രതിവിധിയും ഒരു സമഗ്രാന്വേഷണം), ഷസ് ലിവരുവോറ കോഴിക്കോട് (നോവല് - അവസ്ഥാന്തരങ്ങള് ) , പി.കെ.അയനിക്കാട് (നാടകം - സത്യാന്വേഷണം), വിജയന് ചെറുവറ്റ (ചെറുകഥകള് - ഒരു പ്രവാസിയുടെ ആത്മനൊമ്പരം), ടി.ഗംഗാധരന് (പഠനം - ഭാരതം പ്രതിസന്ധിയില്) എന്നിവരും അര്ഹരായി.
ചടങ്ങില് സൗദാറഷീദ് പേരാമ്പ്രയുടെ 'ഒറ്റ നക്ഷത്രം ' കവിതാ സമാഹാരവും സുരേഷ് മഠത്തിപ്പറമ്പിന്റെ 'പരല് മീനുകള് ' കഥാസമാഹാരവും പ്രകാശനം ചെയ്തു.
മുഹമ്മത് എവട്ടൂര്, അബദുള് കരീം, എന്.എ.ദിനേശന് മരുതോങ്കര, ദിനേശന് പന്തിരിക്കര, മോഹനന് കിഴക്കന് പേരാമ്പ്ര തുടങ്ങിയവര് അനുസ്മരണ പ്രഭാഷണം നടത്തി. സദന് കല്പത്തൂര് സ്വാഗതവും രതീഷ്.ഇ.നായര് നന്ദിയും രേഖപ്പെടുത്തി.
RK Ravi Varma presented the State Literary Awards