പേരാമ്പ്ര : വിസ്ഡം കോഴിക്കോട് നോര്‍ത്ത് ജില്ല സര്‍ഗ വസന്തം അവാര്‍ഡ് ദാന ചടങ്ങ് നടത്തി. ചില്‍ഡ്രന്‍ സബ് ജൂനിയര്‍ ജൂനിയര്‍ സീനിയര്‍ എന്നീ വിഭാഗങ്ങളില്‍ ഇസ്ലാമിക ഗാനം മാപ്പിള പാട്ട് നിമിഷ പ്രസംഗം ഖുര്‍ആന്‍ പാരായണം, ഹിഫ്ദ് ക്വിസ്, ഇംഗ്ലീഷ് പ്രസംഗം എന്നി വിഷയങ്ങളില്‍ അന്‍പതോളം പേര് അവാര്‍ഡിനര്‍ഹരായി.
ഫാറൂഖ് കോളേജ് പ്രിന്‍സിപ്പല്‍ ഡോ കെ.എം. നസീര്‍ ചടങ്ങ് ഉദ്ഘാടനം ചെയ്തു. കുട്ടികളുടെ അറിവും കഴിവും അവസരങ്ങളും പഴയ കാലത്തേക്കാള്‍ വിശാലമാണെന്നും അത് ഉപയോഗപ്പെടുത്തി കൊണ്ടു മുന്നേറാന്‍ അവരെ പ്രാപ്തമാക്കുകയാണ് വേണ്ടതെന്നും വിസ്ഡം ചടങ്ങ് ഉത്ഘാടനം ചെയ്ത് അദ്ദേഹം സംസാരിച്ചു. സര്‍ഗാത്മക കഴിവുകള്‍ പരിപോഷിപ്പിക്കുന്ന സര്‍ഗ വസന്തം പരിപാടി പ്രാധാന്യമര്‍ഹിക്കുന്നതാണെന്നും അദ്ദേഹം പറഞ്ഞു.
സര്‍ഗ വസന്തം കോഴിക്കോട് ജില്ല ചെയര്മാന് ടി.പി അബ്ദുല്‍ അസീസ് അധ്യക്ഷനായി. ചടങ്ങില്‍ സാഹിതി ഇന്റര്‍നാഷണല്‍ ഡയറക്ടര്‍ നസീര്‍ നൊച്ചാട് ഡോ ഷമീര്‍ നദ്വി ജമാല്‍ മദനി, നാസര്‍ മദനി, സര്‍ഗ വസന്തം കണ്‍വീനര്‍ മൂനിസ്, നൗഫല്‍ വടകര, സി.പി സജീര്‍ , സി.കെ കുഞ്ഞി മൊയ്ദി, പി അബ്ദുല്ല ഹാജി മുയിപ്പോത്, ഫായിസ് പേരാമ്പ്ര എന്നിവര്‍ സംസാരിച്ചു.
Sarga Vasantham District Award Ceremony
