പേരാമ്പ്ര: സംസ്ഥാനത്ത് അക്ഷയ ഊര്ജ്ജ രംഗത്ത് മികച്ച പ്രവര്ത്തനങ്ങള് നടത്തിയിട്ടുള്ളവര്ക്ക് അവാര്ഡുകള് നല്കുന്നതിനായി സംസ്ഥാന സര്ക്കാര് അപേക്ഷ ക്ഷണിച്ചു.
പൊതു സ്ഥാപനങ്ങള്, വിദ്യാഭ്യാസ സ്ഥാപനങ്ങള്, തദ്ദേശ സ്വയംഭരണ സ്ഥാപനങ്ങള്, സര്ക്കാര് ഇതര സംഘടനകള്, ഗവേഷണ സ്ഥാപനങ്ങള്, യുവ സംരംഭകര്, വാണിജ്യ സംരംഭകര്, ചെറുകിട വ്യവസായ സ്ഥാപനങ്ങള് തുടങ്ങി വിവിധ മേഖലകളിലുള്ളവര്ക്ക് അനെര്ട്ട് മുഖേന അവാര്ഡുകള് നല്കും.
2019 ഏപ്രില് ഒന്നു മുതല് 2021 മാര്ച്ച് 31 വരെയുള്ള കാലയളവിലെ പ്രവര്ത്തനങ്ങളാണ് അവാര്ഡിന് പരിഗണിക്കുക. സംസ്ഥാനതല മോണിട്ടറിംഗ് കമ്മറ്റിക്കാണ് അവാര്ഡ് നിര്ണ്ണയത്തിന്റെ മേല്നോട്ട ചുമതല.
ഓരോ മേഖലയിലും അവാര്ഡിന് അര്ഹരാകുന്നവര്ക്ക് ഒരു ലക്ഷം രൂപ വീതവും ഫലകവും പ്രശസ്തിപത്രവും നല്കും. ഈ രംഗത്ത് സമഗ്ര സംഭാവന നല്കിയ വ്യക്തികള്, സ്ഥാപനങ്ങള് എന്നിവര്ക്ക് പ്രത്യേക അവാര്ഡും നല്കും.
ദേശീയ ശാസ്ത്ര ദിനമായ 2022 ഫെബ്രുവരി 28ന് അവാര്ഡ് വിതരണം ചെയ്യും. അപേക്ഷ ഫോമും മറ്റ് മാര്ഗ്ഗനിര്ദേശങ്ങളും അനെര്ട്ടിന്റെ www.anert.gov.in വെബ്സൈറ്റില് ലഭ്യമാണ്.
അപേക്ഷകള് ചീഫ് എക്സിക്യൂട്ടീവ് ഓഫീസര്, അനെര്ട്ട്, വികാസ് ഭവന് പി.ഒ, തിരുവനന്തപുരം 695033 എന്ന വിലാസത്തില് ഡിസംബര് 31 നകം ലഭിക്കണം. കൂടുതല് വിവരങ്ങള്ക്ക് 1800 425 1803.
Applications are invited for the Akshaya Energy Award