കോട്ടൂര്‍: നാഷനല്‍ എന്‍ജിഒ കോണ്‍ഫഡറേഷനും കോട്ടൂര്‍ സോഷ്യല്‍ വെല്‍ഫയര്‍ സൊസൈറ്റിയും സംയുക്തമായി നടപ്പിലാക്കി വരുന്ന വുമണ്‍ ഓണ്‍ വീല്‍സ് പദ്ധതിയിലൂടെ കൂട്ടാലിടയില്‍ വനിതാ സംരഭകര്‍ക്ക് 50 % സബ്‌സിഡിയോടുകൂടി ഇരുചക്ര വാഹനങ്ങള്‍ വിതരണം ചെയ്തു.
വിവിധ കമ്പനികളുടെ സിഎസ്ആര്‍ ഫണ്ട്, മാര്‍ക്കറ്റിങ്ങ് ഫണ്ട്, ക്രൗഡ്ഫണ്ട് എന്നിവ സമാഹരിച്ചു സന്നദ്ധ സംഘടനകളുടെ സഹകരണത്തോടുകൂടി നടത്തുന്ന പദ്ധതിയാണിത്.
ചടങ്ങ് കോട്ടൂര്‍ ഗ്രാമപഞ്ചായത്ത് പ്രസിഡണ്ട് സിഎച്ച് സുരേഷ് ഉദ്ഘാടനം ചെയ്തു. നാഷനല്‍ എന്‍ജിഒ കോണ്‍ഫഡറേഷന്‍ കോഴിക്കോട് ജില്ലാ പ്രസിഡണ്ട് മോഹനന്‍ കോട്ടൂര്‍ അധ്യക്ഷത വഹിച്ചു.
ഗുണഭോക്താക്കള്‍ക്കുള്ള വാഹനങ്ങളുടെ താക്കോല്‍ ദാനം ഗ്രാമപഞ്ചായത്ത് വൈസ് പ്രസിഡണ്ട് എം.കെ വിലാസിനി നിര്‍വ്വഹിച്ചു.
വികസനകാര്യ സ്റ്റാന്‍ഡിങ് കമ്മിറ്റി ചെയര്‍ന്മാന്‍ ഷൈന്‍, ക്ഷേമകാര്യസ്റ്റാന്‍ഡിങ് കമ്മിറ്റി ചെയര്‍പേഴ്‌സന്‍ സിന്ധു, ഗ്രാമപഞ്ചായത്ത് അംഗം ഉഷ, പ്രോജക്ട് കോ -ഓര്‍ഡിനേറ്റര്‍ ഷീന മനോജ്, കോണ്‍ഫഡറേഷന്‍ ജില്ലാ കൗണ്‍സില്‍ മെമ്പര്‍മാരായ ടി. സുജിത, പി. രുഗ്മിണി, മുഹമ്മദലി പൂനത്ത്, രാഘവന്‍ കോട്ടൂര്‍, ദിവാകരന്‍, അക്ഷയ് പ്രമോദ്, അമല്‍നാഥ് തുടങ്ങിയവര്‍ സംസാരിച്ചു.
Two wheelers were distributed to women entrepreneurs
