പേരാമ്പ്ര: നൊച്ചാട് രാമല്ലൂരില്‍ തൊഴിലുറപ്പ് തൊഴിലാളികള്‍ക്ക് കടന്നല്‍ കുത്തേറ്റു. നൊച്ചാട് ഗ്രാമ പഞ്ചായത്തിലെ 14-ാം വാര്‍ഡില്‍ രാമല്ലൂരിലെ രയരോത്ത് മുക്കിലെ കാരക്കണ്ടിയില്‍ തൊഴിലുറപ്പിനിടെ സ്ഥലഉടമ ഉള്‍പ്പെടെ 6 പേര്‍ക്കാണ് കടന്നല്‍ കുത്തേറ്റത്. ഇന്ന് കാലത്ത് പതിനൊന്ന് മണിയോടെയാണ് സംഭവം.
കാരക്കണ്ടി ശങ്കരന്റെ പറമ്പില്‍ കൊത്തുമ്പോള്‍ കാടുവെട്ടുന്നതിനിടെയാണ് ശങ്കരനും തൊഴിലാളികളായ ഞാണോംകടവത്ത് കമല, ബുഷറ ആര്‍കുന്നുമ്മല്‍, അനിത കണ്ണോത്ത്, സതി വടക്കേചാലില്‍, ദേവി വടക്കേ മാവിലമ്പാടി എന്നിവര്‍ക്കാണ് കുത്തേറ്റത്.
ഇവരെ ഉടന്‍ പേരാമ്പ്ര താലൂക്ക് ആശുപത്രിയില്‍ എത്തിച്ച് പ്രാഥമിക ചികിത്സ നല്‍കി. ഇതില്‍ ശങ്കരനേയും കമലയേയും വിദഗ്ദ ചികിത്സക്കായി ഉടന്‍ മെഡിക്കല്‍ കോളെജ് ആശുപത്രിയിലേക്ക് മാറ്റി. മറ്റുള്ളവരെയും മെഡിക്കല്‍ കോളെജിലേക്ക് മാറ്റാന്‍ ഡോക്ടര്‍ നിര്‍ദ്ദേശിച്ചു.
Nochad Ramallur thozhilurappu workers were stung by wasps
