പേരാമ്പ്ര: കേരള പ്രിന്റേഴ്സ് അസോസിയേഷന്‍ പേരാമ്പ്ര മേഖല കമ്മിറ്റിയുടെ ആഭിമുഖ്യത്തില്‍ പ്രിന്റേഴ്സ് ഡേ ആഘോഷിച്ചു. പേരാമ്പ്ര പ്രത്യാശയിലെ അന്തേവാസികള്‍ക്ക് ഒപ്പം കേക്ക് മുറിച്ചുകൊണ്ടാണ് പ്രിന്റേഴ്സ് ഡേ ആഘോഷിച്ചത്.
പ്രത്യാശയിലെ മാനസിക- ശാരീരിക വെല്ലുവിളികള്‍ നേരിടുന്ന അന്തേവാസികള്‍ക്ക് മരുന്ന് വാങ്ങാനുള്ള ധനസഹായം കൈമാറി. പ്രിന്റേഴ്സ് അസോസിയേഷന്‍ പേരാമ്പ്ര മേഖലാ പ്രസിഡണ്ട് സുനില്‍കുമാര്‍ ഗ്ലോബല്‍ പ്രത്യാശ മാനേജര്‍ പ്രദീപന്‍ ടി. മാമ്പള്ളിക്ക് സഹായധനം കൈമാറി.
മേഖലാ സെക്രട്ടറി സത്യന്‍ പ്രയാഗ് , ട്രഷറര്‍ രജനി ഓര്‍ക്കൂട്ട് , സഹ ഭാരവാഹികളായ സലില്‍ പ്രിന്റോണ്‍, സ്മിത ഭാസ്‌കരന്‍, പ്രവീഷ് ബാബ, ഭാസ്‌കരന്‍ സര്‍ഗ എന്നിവര്‍ ചടങ്ങില്‍ സംബന്ധിച്ചു
Celebrated Printers' Day
