പേരാമ്പ്ര: ഡല്‍ഹി ജനസംസ്‌കൃതി നടത്തിയ സര്‍ഗോത്സവം - 2024 ല്‍ സാഹിത്യപ്രതിഭാ പുരസ്‌കാരത്തിന് ശീതള്‍ സന്തോഷ് അര്‍ഹയായി. ഇംഗ്ലീഷ്, മലയാളം പ്രസംഗങ്ങളിലും മലയാളം കഥയെഴുത്തിലും ഒന്നാം സ്ഥാനത്തിനു പുറമെ കവിതാ രചന, ഉപന്യാസം (മലയാളം), കവിതാരചന (ഇംഗ്ലീഷ് ) എന്നീ വ്യക്തിഗത ഇനങ്ങളിലും ശീതള്‍ സമ്മാനങ്ങള്‍ കരസ്ഥമാക്കി.
സംഗീതശില്പം, സംഘഗാനം എന്നീ ഇനങ്ങളില്‍ യഥാക്രമം ഒന്ന്, മൂന്ന് സ്ഥാനങ്ങള്‍ ലഭിച്ച ഗ്രൂപ്പിലും അംഗമായിരുന്നു. ഡല്‍ഹി കിംങ്‌സ് വേ ക്യാമ്പ് ശാഖയെ പ്രതിനിധീകരിച്ചാണ് മത്സരിച്ചത്. ചങ്ങരോത്തെ ആയനിക്കുന്നുമ്മല്‍ സന്തോഷിന്റെയും സിന്ധുവിന്റെയും മകളാണ് ശീതള്‍.
Sahitya Pratibha Award to Sheetal Santosh
