പേരാമ്പ്ര : സിപിഐ (എം) പേരാമ്പ്ര ഏരിയ സമ്മേളനത്തിന്റെ ഭാഗമായി സ്ത്രീകളുടെയും കുട്ടികളുടെയും കലാനിശ സംഘടിപ്പിച്ചു. 2024 നവംബര്‍ 30, ഡിസംബര്‍ 1 തീയതികളിലായി പന്തിരിക്കരയിലാണ് ഏരിയ സമ്മേളനം നടക്കുന്നത്. ഇതിന്റെ ഭാഗമായി സ്ത്രീകളുടെയും കുട്ടികളുടെയും കലാനിശ വടക്കുമ്പാട് ഹയര്‍ സെക്കണ്ടറി സ്‌കൂള്‍ ഗ്രൗണ്ടില്‍ നടന്നു.
വിവിധ കലാപരിപാടികള്‍ അവതരിപ്പിച്ചു. കലാനിശ പ്രമുഖ നാടക നടന്‍ മുഹമ്മദ് എരവട്ടൂര്‍ ഉദ്ഘാടനം ചെയ്തു. ടി.കെ. ശൈലജ അധ്യക്ഷത വഹിച്ചു. ഏരിയ സമ്മേളന പരിപാടികളടങ്ങിയ ബ്രോഷര്‍ ഏരിയാ സെക്രട്ടറി എം. കുഞ്ഞമ്മദ് യു. അനിതക്ക് നല്‍കി പ്രകാശനം ചെയ്തു.
ചടങ്ങില്‍ പ്ലാസ്റ്റിക് വസ്തുക്കള്‍ ശേഖരിക്കുന്നതിനിടയില്‍ വീണ് കിട്ടിയ സ്വര്‍ണാഭരണവും പണവും ഉടമകളെ കണ്ടെത്തി തിരിടെ ഏല്പിച്ച തൊഴിലുറപ്പ്, ഹരിത കര്‍മ്മസേന തൊഴിലാളികളെ ഗ്രാമ പഞ്ചായത്ത് പ്രസിഡണ്ട് ഉണ്ണി വേങ്ങേരി ആദരിച്ചു.
വി.കെ. സുമതി, തങ്കമ്മ വര്‍ഗീസ്, എം. നളിനി, എന്‍.പി. സത്യവതി, എന്‍.പി. ജാനു, കെ.ആര്‍. ആതിര, ടി.പി. റീന തുടങ്ങിയവര്‍ പങ്കെടുത്തു. കെ.എം. സാബു സ്വാഗതം പറഞ്ഞ ചടങ്ങിന് എം. മുകുന്ദന്‍ നന്ദിയും പറഞ്ഞു. കല്പത്തൂര്‍ സിഎംവൈസിയുടെ ചത്താലും ചെത്തും നാടകവും അരങ്ങേറി.
CPI M Perambra Area Conference; Organized women's and children's art night at paleri
