---
title: "വായിച്ചാലും ഇല്ലെങ്കിലും വളരും, പക്ഷെ വായിച്ചാല്‍ ഇനി മുതല്‍ 'ഗ്രേസ് മാര്‍ക്ക്'; പുതിയ പ്രഖ്യാപനവുമായി വി ശിവന്‍കുട്ടി"
english_title: "Whether you read or not, you will grow, but if you read, it will be a 'grace mark' from now on; V Sivankutty with a new announcement"
publisher: "perambranews.in"
canonical_url: "https://perambra.truevisionnews.com/news/308220/whether-you-read-or-not-you-will-grow-but-if-you-read-it-will-be-a-grace-mark-from-now-on-v-sivankutty-with-a-new-announcement"
published_at: "2025-08-13T12:03:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/689c32c5a2f8d_alkl.jpg"
keywords: []
---

# വായിച്ചാലും ഇല്ലെങ്കിലും വളരും, പക്ഷെ വായിച്ചാല്‍ ഇനി മുതല്‍ 'ഗ്രേസ് മാര്‍ക്ക്'; പുതിയ പ്രഖ്യാപനവുമായി വി ശിവന്‍കുട്ടി

> **Lead Summary:** **തിരുവനന്തപുരം: **വായിച്ചാലും ഇല്ലെങ്കിലും വളരും, പക്ഷെ വായിച്ചാല്‍ ഇനി 'ഗ്രേസ് മാര്‍ക്ക്' കിട്ടും. വിദ്യാര്‍ത്ഥികളില്‍ വായനാശീലം വളര്‍ത്തുന്നതിനായി വായനയ്ക്ക് ഗ്രേസ് മാര്‍ക്ക് നല്‍കാനൊരുങ്ങി വിദ്യാഭ്യാസ വകുപ്പ്.

## Article Content

**തിരുവനന്തപുരം: **വായിച്ചാലും ഇല്ലെങ്കിലും വളരും, പക്ഷെ വായിച്ചാല്‍ ഇനി 'ഗ്രേസ് മാര്‍ക്ക്' കിട്ടും. വിദ്യാര്‍ത്ഥികളില്‍ വായനാശീലം വളര്‍ത്തുന്നതിനായി വായനയ്ക്ക് ഗ്രേസ് മാര്‍ക്ക് നല്‍കാനൊരുങ്ങി വിദ്യാഭ്യാസ വകുപ്പ്.

വിദ്യാഭ്യാസ മന്ത്രി വി ശിവന്‍കുട്ടി തന്റെ ഫേസ്ബുക്ക് പോസ്റ്റിലൂടെയാണ് വിവരം പങ്കുവെച്ചത്. അടുത്ത അധ്യയന വര്‍ഷം മുതലായിരിക്കും വായനാശീലം പ്രോത്സാഹിപ്പിക്കുന്ന പ്രവര്‍ത്തനങ്ങളില്‍ ഏര്‍പ്പെടുന്ന വിദ്യാര്‍ത്ഥികള്‍ക്ക് ഗ്രേസ് മാര്‍ക്ക് നല്‍കുക.

ഒന്ന് മുതല്‍ നാല് വരെയുള്ള ക്ലാസ്സുകളിലെ കുട്ടികള്‍ക്ക് അനുയോജ്യമായ വായനാ പ്രവര്‍ത്തനങ്ങളും അഞ്ച് മുതല്‍ പന്ത്രണ്ട് വരെ ക്ലാസ്സിലെ കുട്ടികള്‍ക്ക് പത്രം വായനയും തുടര്‍പ്രവര്‍ത്തനങ്ങളും നല്‍കുന്നതിനായി ആഴ്ചയില്‍ ഒരു പിരീഡ് മാറ്റിവെക്കും. മന്ത്രി തന്റെ പോസ്റ്റില്‍ കുറിച്ചു.

വായനയുമായി ബന്ധപ്പെട്ട പ്രവര്‍ത്തനങ്ങള്‍ക്കായി അധ്യാപകര്‍ക്ക് പരിശീലനം നല്‍കുകയും കൈപ്പുസ്തകം തയ്യാറാക്കുകയും ചെയ്യും. കലോത്സവത്തില്‍ വായനയുമായി ബന്ധപ്പെട്ട ഒരു ഇനം കൂടി ഉള്‍പ്പെടുത്താന്‍ ആലോചിക്കുന്നുണ്ടെന്നും മന്ത്രി വ്യക്തമാക്കി.

### Related Links & Sources
- [Original Story Source](https://perambra.truevisionnews.com/news/308220/whether-you-read-or-not-you-will-grow-but-if-you-read-it-will-be-a-grace-mark-from-now-on-v-sivankutty-with-a-new-announcement)