---
title: "കോഴിക്കോട് മെഡിക്കല്‍ കോളജില്‍ ബോംബ് ഭീഷണി"
english_title: "Bomb threat at Kozhikode Medical College"
publisher: "perambranews.in"
canonical_url: "https://perambra.truevisionnews.com/news/335136/bomb-threat-at-kozhikode-medical-college"
published_at: "2026-01-07T13:11:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/695e0f3f51a91_cheruvannur.JPG"
keywords: []
---

# കോഴിക്കോട് മെഡിക്കല്‍ കോളജില്‍ ബോംബ് ഭീഷണി

> **Lead Summary:** **പേരാമ്പ്ര: **കോഴിക്കോട് മെഡിക്കല്‍ കോളേജില്‍ ബോംബ് ഭീഷണി. പ്രിന്‍സിപ്പലിന് ഇമെയിലായിട്ടാണ് സന്ദേശമെത്തിയത്. തുടര്‍ന്ന് ഓപിയില്‍ പൊലീസ് പരിശോധന നടത്തിക്കൊണ്ടിരിക്കുകയാണ്. ഇന്ന് രാവിലെ പത്ത് മണിയോടെയാണ് പ്രിന്‍സിപ്പലിന് ഭീഷണി സന്ദേശമെത്തിയത്. 

## Article Content

**പേരാമ്പ്ര: **കോഴിക്കോട് മെഡിക്കല്‍ കോളേജില്‍ ബോംബ് ഭീഷണി. പ്രിന്‍സിപ്പലിന് ഇമെയിലായിട്ടാണ് സന്ദേശമെത്തിയത്. തുടര്‍ന്ന് ഓപിയില്‍ പൊലീസ് പരിശോധന നടത്തിക്കൊണ്ടിരിക്കുകയാണ്. ഇന്ന് രാവിലെ പത്ത് മണിയോടെയാണ് പ്രിന്‍സിപ്പലിന് ഭീഷണി സന്ദേശമെത്തിയത്. 

  മെഡിക്കല്‍ കോളേജ് പരിസരത്ത് ബോംബ് വെച്ചിട്ടുണ്ടെന്നായിരുന്നു സന്ദേശത്തിന്റെ ഉള്ളടക്കം. ഉടന്‍ തന്നെ പൊലീസില്‍ വിവരമറിയിക്കുകയായിരുന്നു. ബോംബ് സ്‌ക്വാഡും പൊലീസും സ്ഥലത്തെത്തി പരിശോധന നടത്തിക്കൊണ്ടിരിക്കുകയാണ്. തമിഴ്‌നാട്ടില്‍ നിന്നുള്ള മെയില്‍ ഐഡി വഴിയാണ് സന്ദേശമെത്തിയിരിക്കുന്നതെന്നാണ് പ്രാഥമിക വിവരം. ഇതിന്റെ ഉറവിടം പരിശോധിക്കുമെന്ന് പോലീസ് അറിയിച്ചു. 

ഒരു മണിക്കൂര്‍ നേരം പരിശോധന നടത്തിയിട്ടും സംശയകരമായ ഒന്നും കണ്ടെത്താന്‍ ഉദ്യോഗസ്ഥര്‍ക്ക് കഴിഞ്ഞിട്ടില്ല. എന്നാല്‍ എല്ലാ സ്ഥലവും വിശദമായി പരിശോധിക്കുമെന്ന് പൊലീസ് അറിയിച്ചു. പൊതുജനങ്ങള്‍ ആശങ്കപ്പെടേണ്ട സാഹചര്യമില്ലെന്നും പൊലീസ് അറിയിച്ചു. പാര്‍ക്കിംഗ് സ്ഥലമുള്‍പ്പെടെയാണ് പരിശോധന നടത്തുന്നത്. നിലവില്‍ ഒപിക്ക് മുന്നിലുള്ള സ്ഥലത്താണ് പരിശോധന.

### Related Links & Sources
- [Original Story Source](https://perambra.truevisionnews.com/news/335136/bomb-threat-at-kozhikode-medical-college)