---
title: "തെരഞ്ഞെടുപ്പ് പ്രചാരണം അവസാന ഘട്ടത്തില്‍; കേരളം മറ്റന്നാള്‍ പോളിംഗ് ബൂത്തിലേക്ക്"
english_title: "Election campaign in final phase; Kerala to go to polling booths the day after tomorrow"
publisher: "perambranews.in"
canonical_url: "https://perambra.truevisionnews.com/news/352005/election-campaign-in-final-phase-kerala-to-go-to-polling-booths-the-day-after-tomorrow"
published_at: "2026-04-07T11:20:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/69d49d12a48f6_rtyuu.JPG"
keywords: []
---

# തെരഞ്ഞെടുപ്പ് പ്രചാരണം അവസാന ഘട്ടത്തില്‍; കേരളം മറ്റന്നാള്‍ പോളിംഗ് ബൂത്തിലേക്ക്

> **Lead Summary:** **തിരുവനന്തപുരം:** സംസ്ഥാന നിയമസഭ തെരഞ്ഞെടുപ്പ് പ്രചാരത്തന് ഇന്ന് കൊട്ടിക്കലാശം. മൂന്നാഴ്ച നീണ്ടുനിന്ന വലിയ പ്രചാരണ കോലാഹലമാണ് ഇന്ന് അവസാനിക്കുന്നത്. ഓരോ മണ്ഡലത്തിന്റെയും വിവിധ കേന്ദ്രങ്ങളില്‍ ആവേശം വാനോളം ഉയര്‍ത്താന്‍ സ്ഥാനാര്‍ത്ഥികളും നേതാക്കളും അണികളും എത്തും. .

## Article Content

**തിരുവനന്തപുരം:** സംസ്ഥാന നിയമസഭ തെരഞ്ഞെടുപ്പ് പ്രചാരത്തന് ഇന്ന് കൊട്ടിക്കലാശം. മൂന്നാഴ്ച നീണ്ടുനിന്ന വലിയ പ്രചാരണ കോലാഹലമാണ് ഇന്ന് അവസാനിക്കുന്നത്. ഓരോ മണ്ഡലത്തിന്റെയും വിവിധ കേന്ദ്രങ്ങളില്‍ ആവേശം വാനോളം ഉയര്‍ത്താന്‍ സ്ഥാനാര്‍ത്ഥികളും നേതാക്കളും അണികളും എത്തും. .

ദേശീയ നേതാക്കള്‍ അവസാന നിമിഷം വരെ കേരളത്തില്‍ നടത്തിയ പടയോട്ടമായിരുന്നു ഇത്തവണത്തെ പ്രത്യേകത. നാളെ നിശ്ശബ്ദ പ്രചാരണത്തിന് ശേഷം മറ്റന്നാള്‍ കേരളം പോളിംഗ് ബൂത്തിലേക്ക് നീങ്ങും. വലിയ പ്രതീക്ഷയിലാണ് മൂന്ന് മുന്നണികളും. തെക്കന്‍ കേരളത്തിലെ മുന്നേറ്റത്തിലൂടെ ഭരണത്തുടര്‍ച്ച ഉറപ്പാക്കാനാകുമെന്നും വികസനം വോട്ടാകും എന്ന് എല്‍ഡിഎഫ് പ്രതീക്ഷിക്കുമ്പോള്‍, ശബരിമലയും ഭരണവിരുദ്ധ വികാരവും അധികാരത്തിലേക്ക് എത്തിക്കുമെന്നാണ് യുഡിഎഫ് പ്രതീക്ഷിക്കുന്നത്.

ഇത്തവണ കറുത്ത കുതിരകളാകും എന്നാണ് ബിജെപിയുടെ കണക്ക് കൂട്ടല്‍. വിവാദങ്ങളും ആരോപണ പ്രത്യാരോപണങ്ങളും നിറഞ്ഞതായിരുന്നു വടക്കന്‍ കേരളത്തിലെ കഴിഞ്ഞ മൂന്നാഴ്ച കാലത്തെ പ്രചാരണ രംഗം. വയനാട് ദുരന്തബാധിതര്‍ക്കായുള്ള ഫണ്ടും പേരാമ്പ്രയിലെ അനൗണ്‍സ്‌മെന്റ് വിവാദവും എല്ലാം അവസാന ദിനങ്ങളില്‍ സജീവ ചര്‍ച്ചയായി. അടിത്തറ ഇളകില്ലെന്ന ആത്മവിശ്വാസത്തിലാണ് ഇടതുമുന്നണികളും.

കോഴിക്കോടും പാലക്കാടും അടക്കമുള്ള ജില്ലകളില്‍ വലിയ മുന്നേറ്റം നടത്താന്‍ ആകുമെന്ന വിശ്വാസത്തിലാണ് യുഡിഎഫ്. അതേസമയം ഇക്കുറിയെങ്കിലും വടക്ക് അക്കൗണ്ട് തുറക്കാന്‍ ആകുമെന്ന പ്രതീക്ഷയില്‍ കലാശക്കൊട്ടിന് ഇറങ്ങുകയാണ് എന്‍ഡിഎ.

### Related Links & Sources
- [Original Story Source](https://perambra.truevisionnews.com/news/352005/election-campaign-in-final-phase-kerala-to-go-to-polling-booths-the-day-after-tomorrow)