---
title: "കിണറിലകപ്പെട്ട തൊഴിലാളികളെ രക്ഷപ്പെടുത്തി."
english_title: "Workers trapped in the well were rescued."
publisher: "perambranews.in"
canonical_url: "https://perambra.truevisionnews.com/news/353400/workers-trapped-in-the-well-were-rescued"
published_at: "2026-04-14T21:20:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/69de63b6dc0cf_moli_thomas.JPG"
keywords: []
---

# കിണറിലകപ്പെട്ട തൊഴിലാളികളെ രക്ഷപ്പെടുത്തി.

> **Lead Summary:** **നടുവണ്ണൂര്‍: **ആഞ്ഞോളി മുക്കില്‍ കിണറിന്റെപടവ് കെട്ടിക്കൊണ്ടിരിക്കെ മൂന്ന് തൊഴിലാളികള്‍ കിണറില്‍ വീണു.കിണറിന്റെ മുകള്‍ഭാഗത്തായി പടവ് കെട്ടി തേക്കുന്നതിനിടയിലാണ് അപകടം .പലകയും കമ്പിയും കൊണ്ട് കെട്ടിയുണ്ടാക്കിയ കട്ട് കീഴ്‌മേല്‍ മറിഞ്ഞ് തൊഴിലാളികള്‍ കിണറില്‍ വീഴുകയായിരുന്നു.

## Article Content

**നടുവണ്ണൂര്‍: **ആഞ്ഞോളി മുക്കില്‍ കിണറിന്റെപടവ് കെട്ടിക്കൊണ്ടിരിക്കെ മൂന്ന് തൊഴിലാളികള്‍ കിണറില്‍ വീണു.കിണറിന്റെ മുകള്‍ഭാഗത്തായി പടവ് കെട്ടി തേക്കുന്നതിനിടയിലാണ് അപകടം .പലകയും കമ്പിയും കൊണ്ട് കെട്ടിയുണ്ടാക്കിയ കട്ട് കീഴ്‌മേല്‍ മറിഞ്ഞ് തൊഴിലാളികള്‍ കിണറില്‍ വീഴുകയായിരുന്നു.

ആഞ്ഞോളി മുക്ക് കണ്ണിച്ചി കണ്ടി സന്തോഷ് എന്നയാളുടെ വീടിനോട് ചേര്‍ന്നുള്ള പറമ്പിലെ ഏകദ്ദേശം ഒമ്പത് മീറ്റര്‍ ആഴവും ആറടിയോളം വെള്ളവുമുള്ള കിണറില്‍ നിര്‍മ്മാണ തൊഴിലാളികളായ രാജന്‍, മനോജ്,ശ്രീലേഷ് എന്നിവരാണ് അപകടത്തില്‍ പെട്ടത്.

വിവരം ലഭിച്ചതിനെ തുടര്‍ന്ന് പേരാമ്പ്രയില്‍ നിന്നും സ്റ്റേഷന്‍ ഓഫീസ് പികെ. ഭരതന്റെയും, ഗ്രേഡ് എസ് ടി ഒ.എം. മജീദിന്റെയും നേതൃത്വത്തില്‍ സ്ഥലത്തെത്തിയ ഫയര്‍ഫോഴ്‌സ് യൂണിറ്റിലെ എം മനോജ് കിണറിലേക്ക് വീണ തട്ടിനടിയില്‍ കുടുങ്ങിപ്പോയ തൊഴിലാളികളെ അതിസാഹസികമായി റെസ്‌ക്യൂ നെറ്റില്‍ സുരക്ഷിതമായി കരയ്ക്ക് എത്തിച്ചു.

നിലയത്തിലെ ഉദ്യോഗസ്ഥരായ പി. സജിത്ത്, കെ. അജേഷ്, ആര്‍.ജിനേഷ്, എം.കെ ജിഷാദ്, എം.ടി മകേഷ് ഹോം ഗാര്‍ഡുമാരായ എ.സി അജീഷ്, വി.എന്‍ വിജേഷ് എന്നിവരും രക്ഷാപ്രവര്‍ത്തനത്തില്‍ പങ്കെടുത്തു.

### Related Links & Sources
- [Original Story Source](https://perambra.truevisionnews.com/news/353400/workers-trapped-in-the-well-were-rescued)