---
title: "ചെറിയകുമ്പളത്ത് ഉമ്മന്‍ചാണ്ടി അനുസ്മരണം സംഘടിപ്പിച്ചു"
english_title: "Oommen Chandy Third Death Anniversary Observed in Cheriyakumbalam"
publisher: "perambranews.in"
canonical_url: "https://perambra.truevisionnews.com/news/373354/cheriyakumbalam-oommen-chandy-death-anniversary-remembrance"
published_at: "2026-07-19T14:43:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6a5c970d38684_cheriyakumbalam-oommen-chandy-death-anniversary-remembrance.JPG"
keywords: ["Oommen Chandy", "Cheriyakumbalam", "Congress", "Death Anniversary"]
---

# ചെറിയകുമ്പളത്ത് ഉമ്മന്‍ചാണ്ടി അനുസ്മരണം സംഘടിപ്പിച്ചു

> **Lead Summary:** **ചെറിയകുമ്പളം: **കേരളത്തിന്റെ മുന്‍ മുഖ്യമന്ത്രിയും മുതിര്‍ന്ന കോണ്‍ഗ്രസ് നേതാവുമായിരുന്ന ഉമ്മന്‍ ചാണ്ടിയുടെ മൂന്നാം ചരമ വാര്‍ഷികം ചെറിയകുമ്പളം കോണ്‍ഗ്രസ് കമ്മിറ്റിയുടെ നേതൃത്വത്തില്‍ വിവിധ പരിപാടികളോടെ ആചരിച്ചു.

## Article Content

**ചെറിയകുമ്പളം: **കേരളത്തിന്റെ മുന്‍ മുഖ്യമന്ത്രിയും മുതിര്‍ന്ന കോണ്‍ഗ്രസ് നേതാവുമായിരുന്ന ഉമ്മന്‍ ചാണ്ടിയുടെ മൂന്നാം ചരമ വാര്‍ഷികം ചെറിയകുമ്പളം കോണ്‍ഗ്രസ് കമ്മിറ്റിയുടെ നേതൃത്വത്തില്‍ വിവിധ പരിപാടികളോടെ ആചരിച്ചു.

ചെറിയകുമ്പളം അങ്ങാടിയില്‍ വെച്ച് നടന്ന അനുസ്മരണ ചടങ്ങില്‍ ഉമ്മന്‍ ചാണ്ടിയുടെ ഛായാചിത്രത്തില്‍ പുഷ്പാര്‍ച്ചന നടത്തി. ജനകീയ നേതാവിന്റെ സ്മരണകള്‍ എന്നും നിലനില്‍ക്കണമെന്ന ഉദ്ദേശത്തോടെ ചടങ്ങില്‍ 'ഓര്‍മ്മ തൈകള്‍' വിതരണം ചെയ്യുകയും ചെയ്തു.

പരിസ്ഥിതി സംരക്ഷണത്തിനും പൊതുജനക്ഷേമത്തിനും ഉമ്മന്‍ ചാണ്ടി നല്‍കിയ പ്രാധാന്യം ഉയര്‍ത്തിക്കാട്ടുന്നതിന്റെ ഭാഗമായാണ് തൈവിതരണം സംഘടിപ്പിച്ചതെന്ന് നേതാക്കള്‍ പറഞ്ഞു.

സാധാരണക്കാരന്റെ പ്രശ്‌നങ്ങളില്‍ എപ്പോഴും കൂടെയുണ്ടായിരുന്ന നേതാവായിരുന്നു അദ്ദേഹമെന്നും, അദ്ദേഹത്തിന്റെ സേവന മൂല്യങ്ങള്‍ പിന്തുടരുമെന്നും പ്രസംഗകര്‍ അനുസ്മരിച്ചു.

ചടങ്ങില്‍ ഗ്രാമപഞ്ചായത്ത് അംഗം ഉബൈദ് വാഴയില്‍, സൈറാബാനു, കെ.ടി. സുനില്‍കുമാര്‍, ടി.കെ. നസീര്‍, വി.എം. അശോകന്‍, എം.ഇ ലിനീഷ്, കെ.കെ രജീഷ്, എ.കെ. ബാലന്‍, കൊള്ളി കുഞ്ഞമ്മദ്, ജിതില്‍ ബാലന്‍, വി.ടി. റഫീഖ്, ഹസീസ്, വിനോദന്‍ ആനേരി എന്നിവര്‍ പങ്കെടുത്തു.

ജാതി-മത ഭേദമന്യേ എല്ലാവര്‍ക്കും സ്വീകാര്യനായ നേതാവിന്റെ പാത പിന്തുടരുമെന്ന പ്രതിജ്ഞയോടെയാണ് പരിപാടി സമാപിച്ചത്.

### Related Links & Sources
- [Original Story Source](https://perambra.truevisionnews.com/news/373354/cheriyakumbalam-oommen-chandy-death-anniversary-remembrance)