---
title: "മാലിന്യ പെട്രോള്‍ വിവാദം; പ്രതിഷേധ സായാഹ്നം സംഘടിപ്പിച്ച് സിപിഐ എം"
english_title: "CPI(M) Protest Against Polluted Petrol Discharge at Muyippoththepe Toll Pump"
publisher: "perambranews.in"
canonical_url: "https://perambra.truevisionnews.com/news/373372/perambra-muyippoththepe-toll-pump-protest-cpim-pollution"
published_at: "2026-07-19T16:37:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6a5cb06a0dc37_li.JPG"
keywords: ["Muyippoththepe", "Toll Pump", "CPI(M)", "Petrol", "Environmental Issue"]
---

# മാലിന്യ പെട്രോള്‍ വിവാദം; പ്രതിഷേധ സായാഹ്നം സംഘടിപ്പിച്ച് സിപിഐ എം

> **Lead Summary:** പേരാമ്പ്ര: മുയിപ്പോത്തെ പെട്രോള്‍ പമ്പില്‍ നിന്നും മാലിന്യം കലര്‍ന്ന പെട്രോള്‍ പുറത്തൊഴുക്കി സമീപത്തെ വീടുകളും പരിസരവും മലിനമാക്കിയ നടപടിക്കെതിരെ സിപിഐ എംന്റെ നേതൃത്വത്തില്‍ പ്രതിഷേധ സായാഹ്നം സംഘടിപ്പിച്ചു.

## Article Content

പേരാമ്പ്ര: മുയിപ്പോത്തെ പെട്രോള്‍ പമ്പില്‍ നിന്നും മാലിന്യം കലര്‍ന്ന പെട്രോള്‍ പുറത്തൊഴുക്കി സമീപത്തെ വീടുകളും പരിസരവും മലിനമാക്കിയ നടപടിക്കെതിരെ സിപിഐ എംന്റെ നേതൃത്വത്തില്‍ പ്രതിഷേധ സായാഹ്നം സംഘടിപ്പിച്ചു.

പരിസ്ഥിതി മലിനീകരണവും ജനങ്ങളുടെ ജീവിതത്തെ പ്രതികൂലമായി ബാധിച്ച സംഭവത്തില്‍ അടിയന്തര നടപടി ആവശ്യപ്പെട്ടാണ് പ്രതിഷേധം നടന്നത്. പെട്രോള്‍ പമ്പ് അധികൃതരുടെ അനാസ്ഥയാണ് ഇത്തരമൊരു സാഹചര്യം ഉണ്ടാക്കിയതെന്ന് പ്രതിഷേധക്കാര്‍ കുറ്റപ്പെടുത്തി.

പരിപാടി സിപിഐ (എം) പേരാമ്പ്ര ഏരിയാ കമ്മിറ്റി അംഗം പി.പി. രാധാകൃഷ്ണന്‍ ഉദ്ഘാടനം ചെയ്തു. അശാസ്ത്രീയമായ രീതിയില്‍ മാലിന്യം തള്ളുന്നത് ഗുരുതരമായ ആരോഗ്യ പ്രശ്‌നങ്ങള്‍ക്ക് കാരണമാകുമെന്നും, ഇത്തരം സ്ഥാപനങ്ങള്‍ക്കെതിരെ കര്‍ശന നിയമ നടപടി സ്വീകരിക്കണമെന്നും അദ്ദേഹം ആവശ്യപ്പെട്ടു. ടി.വി. ബാബു സ്വാഗതം പറഞ്ഞു.

എന്‍.ആര്‍. രാഘവന്‍ അധ്യക്ഷത വഹിച്ചു. സിപിഐ(എം) ലോക്കല്‍ സെക്രട്ടറി ടി. മനോജ്, കെ.സി. ജാഫര്‍, റെസിഡന്‍സ് അസോസിയേഷന്‍ ഭാരവാഹി ഫൈസല്‍ എന്നിവര്‍ സംസാരിച്ചു.

മാലിന്യം കലര്‍ന്ന വസ്തുക്കള്‍ തള്ളുന്നത് നിര്‍ത്തലാക്കണമെന്നും, ബാധിത കുടുംബങ്ങള്‍ക്ക് നഷ്ടപരിഹാരം നല്‍കണമെന്നും അവര്‍ ആവശ്യപ്പെട്ടു. മലിനീകരണം മൂലം സമീപവാസികള്‍ കടുത്ത ബുദ്ധിമുട്ട് അനുഭവിക്കുകയാണെന്ന് നേതാക്കള്‍ ചൂണ്ടിക്കാട്ടി.

ബന്ധപ്പെട്ട വകുപ്പുകള്‍ ഉടന്‍ ഇടപെട്ട് പ്രശ്‌നത്തിന് പരിഹാരം കാണണമെന്നും, ഇനി ഇത്തരം സംഭവങ്ങള്‍ ആവര്‍ത്തിക്കാതിരിക്കാന്‍ കര്‍ശന പരിശോധന നടത്തണമെന്നും പ്രതിഷേധ സായാഹ്നം ആവശ്യപ്പെട്ടു.

### Related Links & Sources
- [Original Story Source](https://perambra.truevisionnews.com/news/373372/perambra-muyippoththepe-toll-pump-protest-cpim-pollution)