---
title: "പേരാമ്പ്ര ബിആര്‍സി ലഹരിക്കേസില്‍ സമഗ്ര അന്വേഷണം വേണം: രഞ്ജിത്ത് മലയില്‍"
english_title: "Demand for Comprehensive Probe into Perambra BRC MDMA Case: Ranjith Malayil"
publisher: "perambranews.in"
canonical_url: "https://perambra.truevisionnews.com/news/375359/perambra-brc-mdma-case-comprehensive-probe-ranjith-malayil"
published_at: "2026-07-29T16:06:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6a69da10103f8_mm.jpg"
keywords: ["Perambra", "BRC", "MDMA Case", "Ranjith Malayil", "AAP", "Drug Case"]
---

# പേരാമ്പ്ര ബിആര്‍സി ലഹരിക്കേസില്‍ സമഗ്ര അന്വേഷണം വേണം: രഞ്ജിത്ത് മലയില്‍

> **Lead Summary:** പേരാമ്പ്ര: പേരാമ്പ്ര ബിആര്‍സിയിലെ അധ്യാപകര്‍ പ്രതികളായ എംഡിഎംഎ കേസില്‍ സമഗ്ര അന്വേഷണം നടത്തണമെന്ന് ആം ആദ്മി പാര്‍ട്ടി സംസ്ഥാന കൗണ്‍സില്‍ അംഗം രഞ്ജിത്ത് മലയില്‍ ആവശ്യപ്പെട്ടു. കേസിലെ മുഴുവന്‍ പ്രതികളെയും നിയമത്തിനു മുന്നില്‍ കൊണ്ടുവരണമെന്ന് അദ്ദേഹം പറഞ്ഞു.

## Article Content

പേരാമ്പ്ര: പേരാമ്പ്ര ബിആര്‍സിയിലെ അധ്യാപകര്‍ പ്രതികളായ എംഡിഎംഎ കേസില്‍ സമഗ്ര അന്വേഷണം നടത്തണമെന്ന് ആം ആദ്മി പാര്‍ട്ടി സംസ്ഥാന കൗണ്‍സില്‍ അംഗം രഞ്ജിത്ത് മലയില്‍ ആവശ്യപ്പെട്ടു. കേസിലെ മുഴുവന്‍ പ്രതികളെയും നിയമത്തിനു മുന്നില്‍ കൊണ്ടുവരണമെന്ന് അദ്ദേഹം പറഞ്ഞു.

ബിആര്‍സി യില്‍ ഇവര്‍ക്ക് ഏതെങ്കിലും വിധത്തിലുള്ള വഴിവിട്ട സഹായങ്ങള്‍ ലഭിച്ചിട്ടുണ്ടെങ്കില്‍ അക്കാര്യവും അന്വേഷണ പരിധിയില്‍ ഉള്‍പ്പെടുത്തണമെന്ന് രഞ്ജിത്ത് മലയില്‍ ആവശ്യപ്പെട്ടു. ഇത്തരത്തില്‍ ലഹരി കച്ചവടത്തിന് പിന്നില്‍ പ്രവര്‍ത്തിക്കുന്നവരുടെ 'ബിഗ് ബോസ്' ആരാണെന്ന് കണ്ടെത്തി അവരെയും നിയമത്തിന് മുന്നില്‍ ഹാജരാക്കണമെന്നും അദ്ദേഹം കൂട്ടിച്ചേര്‍ത്തു.

വിദ്യാഭ്യാസ സ്ഥാപനങ്ങളെ കേന്ദ്രീകരിച്ച് ലഹരി വില്‍പ്പന നടക്കുന്ന സാഹചര്യം അതീവ ഗൗരവമുള്ളതാണ്. ഇത് തടയുന്നതിന് പൊലീസും എക്‌സൈസും സംയുക്തമായി ശക്തമായ നടപടികള്‍ സ്വീകരിക്കണമെന്നും അദ്ദേഹം ആവശ്യപ്പെട്ടു. വിദ്യാര്‍ത്ഥികളുടെയും അധ്യാപകരുടെയും വിശ്വാസം കെടുത്തുന്ന സംഭവങ്ങളില്‍ ഉള്‍പ്പെട്ടവര്‍ക്ക് യാതൊരു വിട്ടുവീഴ്ചയും നല്‍കരുത്.

കേസുമായി ബന്ധപ്പെട്ട് കൂടുതല്‍ പേര്‍ക്ക് പങ്കുണ്ടോ എന്നും പരിശോധിക്കണമെന്ന് രഞ്ജിത്ത് മലയില്‍ പറഞ്ഞു. ലഹരിക്കെതിരായ പോരാട്ടം ശക്തമാക്കാന്‍ സര്‍ക്കാരും ജനപ്രതിനിധികളും ജാഗ്രത പുലര്‍ത്തണമെന്നും അദ്ദേഹം അഭിപ്രായപ്പെട്ടു.

### Related Links & Sources
- [Original Story Source](https://perambra.truevisionnews.com/news/375359/perambra-brc-mdma-case-comprehensive-probe-ranjith-malayil)