---
title: "ഇമ്പിലാശ്ശേരി അബ്ദുള്ളയുടെ നിര്യാണത്തില്‍ കാവുന്തറയില്‍ അനുശോചന യോഗം നടത്തി"
english_title: "Condolence Meeting Held for Kavunthara Prominent Person Abdullakkayi"
publisher: "perambranews.in"
canonical_url: "https://perambra.truevisionnews.com/news/375490/condolence-meeting-kavunthara-abdullakkayi"
published_at: "2026-07-30T12:03:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6a6af09fdeb6b_ui.jpg"
keywords: ["Kavunthara", "Abdullakkayi", "Condolence Meeting", "Congress"]
---

# ഇമ്പിലാശ്ശേരി അബ്ദുള്ളയുടെ നിര്യാണത്തില്‍ കാവുന്തറയില്‍ അനുശോചന യോഗം നടത്തി

> **Lead Summary:** കാവുന്തറ: കാവുന്തറയിലെ പൗരപ്രമുഖനും കോണ്‍ഗ്രസ് പ്രവര്‍ത്തകനുമായ ഇമ്പിലാശ്ശേരി അബ്ദുള്ളയുടെ അകാല നിര്യാണത്തില്‍ പൗരാവലി അനുശോചന യോഗം ചേര്‍ന്നു.

## Article Content

കാവുന്തറ: കാവുന്തറയിലെ പൗരപ്രമുഖനും കോണ്‍ഗ്രസ് പ്രവര്‍ത്തകനുമായ ഇമ്പിലാശ്ശേരി അബ്ദുള്ളയുടെ അകാല നിര്യാണത്തില്‍ പൗരാവലി അനുശോചന യോഗം ചേര്‍ന്നു.

സി.കെ. ബാലകൃഷ്ണന്‍ അധ്യക്ഷതയില്‍ ചേര്‍ന്ന യോഗം അബ്ദുള്ളയുടെ കുടുംബത്തിന് അനുശോചനം രേഖപ്പെടുത്തി. നാടിന്റെ സാമൂഹിക സാംസ്‌കാരിക മേഖലകളില്‍ സജീവ സാന്നിധ്യമായിരുന്ന അദ്ദേഹം എല്ലാവരോടും സ്‌നേഹവും കരുതലുമായി പെരുമാറിയിരുന്നുവെന്ന് യോഗത്തില്‍ പങ്കെടുത്തവര്‍ അനുസ്മരിച്ചു.

കോണ്‍ഗ്രസ് പ്രവര്‍ത്തകനെന്ന നിലയില്‍ പാര്‍ട്ടിയുടെയും നാടിന്റെയും വികസനത്തിന് അദ്ദേഹം നല്‍കിയ സംഭാവനകള്‍ എടുത്തുപറഞ്ഞു. ഏത് ആവശ്യത്തിനും മുന്‍പില്‍ നില്‍ക്കുകയും പൊതുനന്മയ്ക്കായി പ്രവര്‍ത്തിക്കുകയും ചെയ്ത അദ്ദേഹത്തിന്റെ വേര്‍പാട് നാടിന് തീരാനഷ്ടമാണെന്നും യോഗം വിലയിരുത്തി.

യോഗത്തില്‍ കെ. രാജീവന്‍, സി. ബാലന്‍, സാജിത് നടുവണ്ണൂര്‍, ടി.പി പ്രജോഷ്, പി. അച്യുതന്‍, ടി. നിസാര്‍, എ.പി. ഷാജി, കെ. അബ്ദുള്ള, ഇ.കെ. മുഹമ്മദ്, ബിജു കാവില്‍ എന്നിവര്‍ സംസാരിച്ചു. മരണപ്പെട്ടവരുടെ കുടുംബത്തിന്റെ ദുഃഖത്തില്‍ പങ്കുചേരുന്നതായും അവര്‍ അനുശോചന സന്ദേശം അറിയിച്ചു.

എം. സത്യനാഥന്‍ സ്വാഗതം പറഞ്ഞു. വിവിധ രാഷ്ട്രീയ, സാമൂഹിക, സാംസ്‌കാരിക രംഗത്തെ നിരവധി പേര്‍ യോഗത്തില്‍ പങ്കെടുത്തു.

### Related Links & Sources
- [Original Story Source](https://perambra.truevisionnews.com/news/375490/condolence-meeting-kavunthara-abdullakkayi)