---
title: "ജില്ലാ തല എയ്ഡ്‌സ് ക്വിസില്‍ രണ്ടാം സ്ഥാനം: ശരണ്യ സായിക്കും മയൂഖ് കൃഷ്ണക്കും"
english_title: "CKG Memorial HSS Students Secure Second Place in District Level AIDS Quiz"
publisher: "perambranews.in"
canonical_url: "https://perambra.truevisionnews.com/news/375756/ckg-memorial-hss-students-second-place-aids-quiz-competition"
published_at: "2026-07-31T14:57:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6a6c6b70edc40_first.jpg"
keywords: []
---

# ജില്ലാ തല എയ്ഡ്‌സ് ക്വിസില്‍ രണ്ടാം സ്ഥാനം: ശരണ്യ സായിക്കും മയൂഖ് കൃഷ്ണക്കും

> **Lead Summary:** **ചിങ്ങപുരം: **സംസ്ഥാന എയ്ഡ്‌സ് കണ്‍ട്രോള്‍ സൊസൈറ്റിയും ജില്ലാ ആരോഗ്യവകുപ്പും നാഷണല്‍ സര്‍വീസ് സ്‌കീമും സംയുക്തമായി എച്ച്‌ഐവി ബോധവല്‍ക്കരണത്തിന്റെ ഭാഗമായി സംഘടിപ്പിച്ച ജില്ലാതല ക്വിസ് മത്സരത്തില്‍ ചിങ്ങപുരം സികെജി മെമ്മോറിയല്‍ എച്ച്എസ്എസിലെ വിദ്യാര്‍ത്ഥികള്‍ രണ്ടാം സ്ഥാനം നേടി.

## Article Content

**ചിങ്ങപുരം: **സംസ്ഥാന എയ്ഡ്‌സ് കണ്‍ട്രോള്‍ സൊസൈറ്റിയും ജില്ലാ ആരോഗ്യവകുപ്പും നാഷണല്‍ സര്‍വീസ് സ്‌കീമും സംയുക്തമായി എച്ച്‌ഐവി ബോധവല്‍ക്കരണത്തിന്റെ ഭാഗമായി സംഘടിപ്പിച്ച ജില്ലാതല ക്വിസ് മത്സരത്തില്‍ ചിങ്ങപുരം സികെജി മെമ്മോറിയല്‍ എച്ച്എസ്എസിലെ വിദ്യാര്‍ത്ഥികള്‍ രണ്ടാം സ്ഥാനം നേടി.

സ്‌കൂളിനെയും ജില്ലയെയും അഭിമാനത്തിലാഴ്ത്തിയ ശരണ്യ സായിയും മയൂഖ് കൃഷ്ണയുമാണ് മികച്ച പ്രകടനത്തിലൂടെ രണ്ടാം സ്ഥാനം കരസ്ഥമാക്കിയത്. എച്ച്‌ഐവിയും എയ്ഡ്‌സും സംബന്ധിച്ച അറിവുകള്‍, പ്രതിരോധ മാര്‍ഗങ്ങള്‍, സാമൂഹിക ഉത്തരവാദിത്തം തുടങ്ങിയ വിഷയങ്ങളെ ആസ്പദമാക്കിയായിരുന്നു ക്വിസ് മത്സരം.

യുവതലമുറയില്‍ എച്ച്‌ഐവി സംബന്ധിച്ച ശാസ്ത്രീയ അവബോധം വളര്‍ത്തുന്നതിനും അന്ധവിശ്വാസങ്ങളും വിവേചനങ്ങളും ഇല്ലാതാക്കുന്നതിനും ലക്ഷ്യമിട്ടാണ് സംസ്ഥാന എയ്ഡ്‌സ് കണ്‍ട്രോള്‍ സൊസൈറ്റി ഈ പരിപാടി സംഘടിപ്പിച്ചത്. ജില്ലയിലെ വിവിധ സ്‌കൂളുകളില്‍ നിന്നും കോളെജുകളില്‍ നിന്നുമായി നിരവധി ടീമുകള്‍ മത്സരത്തില്‍ പങ്കെടുത്തു.

സി.കെ.ജി. മെമ്മോറിയല്‍ എച്ച്എസ്എസിലെ വിദ്യാര്‍ത്ഥികളുടെ നേട്ടം അഭിമാനാര്‍ഹമാണെന്ന് അധ്യാപകരും രക്ഷിതാക്കളും പറഞ്ഞു. ക്ലാസ് മുറികളില്‍ മാത്രമൊതുങ്ങാതെ ആരോഗ്യ ബോധവല്‍ക്കരണ പ്രവര്‍ത്തനങ്ങളില്‍ വിദ്യാര്‍ത്ഥികള്‍ സജീവമായി പങ്കെടുക്കുന്നതിന്റെ ഉദാഹരണമാണ് ഈ വിജയമെന്നും അവര്‍ അഭിപ്രായപ്പെട്ടു.

എന്‍എസ്എസ് യൂണിറ്റിന്റെയും ആരോഗ്യവകുപ്പിന്റെയും നേതൃത്വത്തില്‍ നടന്ന ക്വിസില്‍ മികവ് തെളിയിച്ച വിദ്യാര്‍ത്ഥികള്‍ക്ക് ഉപഹാരങ്ങളും സര്‍ട്ടിഫിക്കറ്റുകളും വിതരണം ചെയ്തു. ഇത്തരം ബോധവല്‍ക്കരണ പരിപാടികള്‍ കൂടുതല്‍ സ്‌കൂളുകളില്‍ എത്തിക്കണമെന്ന ആവശ്യവും ഉയര്‍ന്നു.

### Related Links & Sources
- [Original Story Source](https://perambra.truevisionnews.com/news/375756/ckg-memorial-hss-students-second-place-aids-quiz-competition)