---
title: "സംസ്ഥാന കേരകേസരി ജേതാവ് സേവ്യറിനെയും ഭാര്യയെയും യുഡിഎഫ് ചക്കിട്ടപാറ മണ്ഡലം കമ്മിറ്റി ആദരിച്ചു"
english_title: "UDF Chakittapara Felicitates Kerala Kesari Awardee Savio and Wife Alice"
publisher: "perambranews.in"
canonical_url: "https://perambra.truevisionnews.com/news/378200/chakittapara-udf-honors-kerala-kesari-savio-alice"
published_at: "2026-08-12T16:49:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6a7c5c74b29a5_chakittapara-udf-honors-kerala-kesari-savio-alice.jpg"
keywords: ["UDF", "Kerala Kesari", "Agriculture", "Kozhikode"]
---

# സംസ്ഥാന കേരകേസരി ജേതാവ് സേവ്യറിനെയും ഭാര്യയെയും യുഡിഎഫ് ചക്കിട്ടപാറ മണ്ഡലം കമ്മിറ്റി ആദരിച്ചു

> **Lead Summary:** ചക്കിട്ടപാറ: സംസ്ഥാന കേരകേസരി അവാര്‍ഡ് ജേതാവ് പൂഴിത്തോട്ടിലെ കാര്യാവില്‍ സേവ്യറിനെയും ഭാര്യ ആലീസിനെയും യുഡിഎഫ് ചക്കിട്ടപാറ മണ്ഡലം കമ്മിറ്റി ആദരിച്ചു. കൃഷിയില്‍ മികച്ച നേട്ടങ്ങള്‍ കൈവരിച്ചതിനാണ് സേവ്യര്‍ക്ക് സംസ്ഥാന സര്‍ക്കാരിന്റെ കേരകേസരി അവാര്‍ഡ് ലഭിച്ചത്.

## Article Content

ചക്കിട്ടപാറ: സംസ്ഥാന കേരകേസരി അവാര്‍ഡ് ജേതാവ് പൂഴിത്തോട്ടിലെ കാര്യാവില്‍ സേവ്യറിനെയും ഭാര്യ ആലീസിനെയും യുഡിഎഫ് ചക്കിട്ടപാറ മണ്ഡലം കമ്മിറ്റി ആദരിച്ചു. കൃഷിയില്‍ മികച്ച നേട്ടങ്ങള്‍ കൈവരിച്ചതിനാണ് സേവ്യര്‍ക്ക് സംസ്ഥാന സര്‍ക്കാരിന്റെ കേരകേസരി അവാര്‍ഡ് ലഭിച്ചത്.

തെങ്ങ്, നാളികേരം, ഇടവിളകള്‍ എന്നിവ സമന്വയിപ്പിച്ചുകൊണ്ടുള്ള കൃഷിരീതിയും ജൈവകൃഷി രീതികളും മാതൃകയാക്കിയാണ് അദ്ദേഹം ഈ നേട്ടം സ്വന്തമാക്കിയത്. ചക്കിട്ടപാറയില്‍ നടന്ന ആദരിക്കല്‍ ചടങ്ങില്‍ യുഡിഎഫ് മണ്ഡലം ചെയര്‍മാന്‍ ജോര്‍ജ് മുക്കള്ളില്‍, കണ്‍വീനര്‍ ആവള ഹമീദ് എന്നിവര്‍ ചേര്‍ന്ന് സേവ്യറിനും ഭാര്യ ആലീസിനും ഷാള്‍ അണിയിച്ചും ഉപഹാരം നല്‍കിയും ആദരിച്ചു.

ചടങ്ങില്‍ പേരാമ്പ്ര നിയോജക മണ്ഡലം കണ്‍വീനര്‍ കെ.എ. ജോസ്‌കുട്ടി, കര്‍ഷക കോണ്‍ഗ്രസ് ജില്ലാ വൈസ് പ്രസിഡന്റ് പാപ്പച്ചന്‍ കൂനംതടം, തോമസ് ആനത്താനം, കെ.ഡി. മത്തായി, പ്രകാശ് മുള്ളന്‍കുഴി, തമ്പാന്‍ കാവുങ്കല്‍ തുടങ്ങിയവര്‍ പങ്കെടുത്തു. കര്‍ഷകരുടെ കഠിനാധ്വാനത്തിനും നൂതന കൃഷിരീതികള്‍ക്കും ലഭിക്കുന്ന അംഗീകാരമാണ് കേരകേസരി അവാര്‍ഡ്. സേവ്യറിന്റെ നേട്ടം മേഖലയിലെ മുഴുവന്‍ കര്‍ഷകര്‍ക്കും പ്രചോദനമാണെന്ന് നേതാക്കള്‍ പറഞ്ഞു.

കൃഷിയിലൂടെ സ്വയംപര്യാപ്തത കൈവരിക്കാനും യുവാക്കളെ കൃഷിയിലേക്ക് ആകര്‍ഷിക്കാനും ഇത്തരം നേട്ടങ്ങള്‍ സഹായിക്കുമെന്നും അവര്‍ അഭിപ്രായപ്പെട്ടു. ഭാര്യ ആലീസിന്റെ പിന്തുണയും കൃഷിയിലെ അധ്വാനവുമാണ് ഈ വിജയത്തിന് പിന്നിലെന്ന് സേവ്യര്‍ ചടങ്ങില്‍ നന്ദി അറിയിച്ചു.

### Related Links & Sources
- [Original Story Source](https://perambra.truevisionnews.com/news/378200/chakittapara-udf-honors-kerala-kesari-savio-alice)