---
title: "മേപ്പയ്യൂരില്‍ കെ.സി. നാരായണന്‍ സ്മാരക അംഗന്‍വാടിയില്‍ കുടിവെള്ള പദ്ധതി ആരംഭിച്ചു"
english_title: "Drinking Water Project Inaugurated at KC Narayanan Master Memorial Anganwadi in Mayyil"
publisher: "perambranews.in"
canonical_url: "https://perambra.truevisionnews.com/news/378506/mayyil-kc-narayanan-angawadi-drinking-water-project"
published_at: "2026-08-14T14:43:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6a7edd3545abe_mayyil-kc-narayanan-angawadi-drinking-water-project.jpg"
keywords: ["Mayyil Panchayat", "Anganwadi", "Drinking Water Project", "Kozhikode"]
---

# മേപ്പയ്യൂരില്‍ കെ.സി. നാരായണന്‍ സ്മാരക അംഗന്‍വാടിയില്‍ കുടിവെള്ള പദ്ധതി ആരംഭിച്ചു

> **Lead Summary:** **മേപ്പയ്യൂര്‍: **മേപ്പയ്യൂര്‍ ഗ്രാമപഞ്ചായത്തിലെ 13-ാം വാര്‍ഡില്‍ സ്ഥിതി ചെയ്യുന്ന കെ.സി. നാരായണന്‍ മാസ്റ്റര്‍ സ്മാരക അംഗന്‍വാടിയില്‍ കുടിവെള്ള പദ്ധതി ആരംഭിച്ചു. അംഗന്‍വാടിയില്‍ മോട്ടോര്‍ സ്ഥാപിച്ചും വാട്ടര്‍ പ്യൂരിഫയര്‍ സ്ഥാപിച്ചുമാണ് പദ്ധതി നടപ്പിലാക്കിയത്.

## Article Content

**മേപ്പയ്യൂര്‍: **മേപ്പയ്യൂര്‍ ഗ്രാമപഞ്ചായത്തിലെ 13-ാം വാര്‍ഡില്‍ സ്ഥിതി ചെയ്യുന്ന കെ.സി. നാരായണന്‍ മാസ്റ്റര്‍ സ്മാരക അംഗന്‍വാടിയില്‍ കുടിവെള്ള പദ്ധതി ആരംഭിച്ചു. അംഗന്‍വാടിയില്‍ മോട്ടോര്‍ സ്ഥാപിച്ചും വാട്ടര്‍ പ്യൂരിഫയര്‍ സ്ഥാപിച്ചുമാണ് പദ്ധതി നടപ്പിലാക്കിയത്.

പദ്ധതിയുടെ ഉദ്ഘാടനം മേപ്പയ്യൂര്‍ ഗ്രാമപഞ്ചായത്ത് പ്രസിഡന്റ്  ടി. നിബിത നിര്‍വഹിച്ചു. വാര്‍ഡ് അംഗം കെ.വി. ഉഷ അധ്യക്ഷത വഹിച്ചു. ബ്ലോക്ക് പഞ്ചായത്ത് വൈസ് പ്രസിഡന്റ് എന്‍.എം. ദാമോദരന്‍, മെമ്പര്‍ കെ.ടി. വിനോദന്‍ എന്നിവര്‍ മുഖ്യാതിഥികളായി പങ്കെടുത്തു.

രാഷ്ട്രീയ പാര്‍ട്ടി പ്രതിനിധികളായ കെ. ഷൈനു, സഞ്ജയ് കൊയുക്കല്ലൂര്‍, കെ.എം. പ്രമീഷ്, പി.എന്‍.കെ. നായര്‍, വി. കുഞ്ഞിരാമന്‍ കിടാവ്, മുന്‍ സ്റ്റാന്‍ഡിംഗ് കമ്മിറ്റി ചെയര്‍മാന്‍ ഭാസ്‌കരന്‍ കൊയുക്കല്ലൂര്‍, യു.കെ. അഹമ്മദ് എന്നിവരും സംസാരിച്ചു.

അംഗന്‍വാടി വര്‍ക്കര്‍ രമ്യ കീഴത്തോട്ടത്തില്‍, രക്ഷിതാക്കളുടെ പ്രതിനിധി എച്ച്. അമൃത എന്നിവരും യോഗത്തില്‍ സംസാരിച്ചു. അംഗന്‍വാടിയിലെ കുട്ടികള്‍ക്കും ജീവനക്കാര്‍ക്കും ശുദ്ധമായ കുടിവെള്ളം ലഭ്യമാക്കുക എന്ന ലക്ഷ്യത്തോടെയാണ് പദ്ധതി നടപ്പാക്കിയത്.

മോട്ടോര്‍ പരേതനായ പൂവന്‍കണ്ടി അസൈനാരുടെ മകന്‍ ശാദുലിയും വാട്ടര്‍ പ്യൂരിഫയര്‍ പരേതനായ തിരുമംഗലത്ത് രവീന്ദ്രന്‍ നായരുടെ മകന്‍ രഞ്ജിത്തും ചേര്‍ന്നാണ് സ്‌പോണ്‍സര്‍ ചെയ്തത്.

ഗ്രാമപഞ്ചായത്ത് പ്രസിഡന്റ്  ടി. നിബിത സംസാരിക്കവെ, അംഗന്‍വാടികളുടെ ഭൗതിക സാഹചര്യങ്ങള്‍ മെച്ചപ്പെടുത്തുന്നതിന് പഞ്ചായത്ത് മുന്‍ഗണന നല്‍കുന്നുണ്ടെന്ന് പറഞ്ഞു. കുട്ടികളുടെ ആരോഗ്യവും ശുചിത്വവും ഉറപ്പാക്കുന്നതിന്റെ ഭാഗമായാണ് ഈ കുടിവെള്ള പദ്ധതി നടപ്പിലാക്കുന്നതെന്നും അവര്‍ കൂട്ടിച്ചേര്‍ത്തു.

നാട്ടുകാരുടെയും സന്നദ്ധ സംഘടനകളുടെയും സഹകരണത്തോടെ അംഗന്‍വാടിയുടെ കൂടുതല്‍ വികസന പ്രവര്‍ത്തനങ്ങള്‍ നടത്തുമെന്ന് വാര്‍ഡ് അംഗം കെ.വി. ഉഷ അറിയിച്ചു.

### Related Links & Sources
- [Original Story Source](https://perambra.truevisionnews.com/news/378506/mayyil-kc-narayanan-angawadi-drinking-water-project)