---
title: "പേരാമ്പ്ര ബൈപ്പാസ് ഇഎംഎസ് ജംഗ്ഷനിലെ സീബ്രാലൈന്‍ മാഞ്ഞു; അപകടഭീഷണിയില്‍ യാത്രക്കാര്‍"
english_title: "Perambra Bypass EMS Junction Zebra Line Faded Accident Risk High"
publisher: "perambranews.in"
canonical_url: "https://perambra.truevisionnews.com/news/380968/perambra-bypass-ems-junction-zebra-line-faded-accident-risk"
published_at: "2026-09-03T13:30:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6a9929ea99bd2_rode_seebr.JPG"
keywords: ["Perambra News", "Perambra Bypass", "EMS Junction", "Road Safety"]
---

# പേരാമ്പ്ര ബൈപ്പാസ് ഇഎംഎസ് ജംഗ്ഷനിലെ സീബ്രാലൈന്‍ മാഞ്ഞു; അപകടഭീഷണിയില്‍ യാത്രക്കാര്‍

> **Lead Summary:** പേരാമ്പ്ര: പേരാമ്പ്ര ബൈപ്പാസില്‍ ഇഎംഎസ് ജംഗ്ഷന് സമീപം റോഡിലെ സീബ്രാലൈന്‍ മാഞ്ഞുപോയത് വലിയ അപകടഭീഷണി ഉയര്‍ത്തുന്നു. നിരവധി ആളുകള്‍ റോഡ് മുറിച്ചുകടക്കുന്നതും നിരവധി വാഹനങ്ങള്‍ നിരന്തരം കടന്നുപോകുന്നതുമായ തിരക്കേറിയ പ്രദേശമാണിത്.

## Article Content

പേരാമ്പ്ര: പേരാമ്പ്ര ബൈപ്പാസില്‍ ഇഎംഎസ് ജംഗ്ഷന് സമീപം റോഡിലെ സീബ്രാലൈന്‍ മാഞ്ഞുപോയത് വലിയ അപകടഭീഷണി ഉയര്‍ത്തുന്നു. നിരവധി ആളുകള്‍ റോഡ് മുറിച്ചുകടക്കുന്നതും നിരവധി വാഹനങ്ങള്‍ നിരന്തരം കടന്നുപോകുന്നതുമായ തിരക്കേറിയ പ്രദേശമാണിത്.

ബൈപ്പാസ് ജംഗ്ഷന്‍ ആയതിനാല്‍ കോഴിക്കോട്, കുറ്റ്യാടി ഭാഗങ്ങളിലേക്ക് പോകുന്ന വാഹനങ്ങളുടെ തിരക്കും ഇവിടെ കൂടുതലാണ്. സീബ്രാലൈന്‍ മാഞ്ഞതോടെ കാല്‍നടയാത്രക്കാര്‍ക്ക് റോഡ് മുറിച്ചുകടക്കാന്‍ സുരക്ഷിതമായ ഇടം ഇല്ലാത്ത അവസ്ഥയാണ്. സ്‌കൂള്‍ വിദ്യാര്‍ത്ഥികളും പ്രായമായവരും ഉള്‍പ്പെടെ നിരവധി പേരാണ് ദിവസവും ഇതുവഴി സഞ്ചരിക്കുന്നത്.

സീബ്രാലൈന്‍ ഇല്ലാത്തതിനാല്‍ വാഹനങ്ങള്‍ വേഗത കുറയ്ക്കാതെ പോകുന്നതും അപകട സാധ്യത വര്‍ധിപ്പിക്കുന്നു. ഈ ഭാഗത്ത് മുമ്പും നിരവധി ചെറുതും വലുതുമായ അപകടങ്ങള്‍ നടന്നിട്ടുണ്ട്. അധികൃതര്‍ അടിയന്തരമായി ഇടപെട്ട് സീബ്രാലൈന്‍ പുനഃസ്ഥാപിക്കണമെന്നും ആവശ്യമായ സുരക്ഷാ ബോര്‍ഡുകള്‍ സ്ഥാപിക്കണമെന്നും നാട്ടുകാര്‍ ആവശ്യപ്പെടുന്നു.

### Related Links & Sources
- [Original Story Source](https://perambra.truevisionnews.com/news/380968/perambra-bypass-ems-junction-zebra-line-faded-accident-risk)