---
title: "പേരാമ്പ്രയില്‍ എംഎസ്എഫ് അധ്യാപക ദിനാചരണം; അരീക്കല്‍ അമ്മദ് മാസ്റ്ററെ ആദരിച്ചു"
english_title: " MSF Perambra Teachers Day Celebration Areekkal Ahmed Master Honored"
publisher: "perambranews.in"
canonical_url: "https://perambra.truevisionnews.com/news/381499/msf-perambra-teachers-day-areekkal-ahmed-master-honored"
published_at: "2026-09-07T13:49:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6a9e73e190d89_ftry.jpg"
keywords: ["Perambra News", "MSF Perambra", "Teachers Day", "Areekkal Ahmed Master"]
---

# പേരാമ്പ്രയില്‍ എംഎസ്എഫ് അധ്യാപക ദിനാചരണം; അരീക്കല്‍ അമ്മദ് മാസ്റ്ററെ ആദരിച്ചു

> **Lead Summary:** പേരാമ്പ്ര: ദേശീയ അധ്യാപക ദിനം ആചരിക്കുന്നതിന്റെ ഭാഗമായി പേരാമ്പ്രയില്‍ എംഎസ്എഫ് പേരാമ്പ്ര നിയോജക മണ്ഡലം കമ്മിറ്റിയുടെ നേതൃത്വത്തില്‍ അധ്യാപക ദിനാചരണം സംഘടിപ്പിച്ചു.

## Article Content

പേരാമ്പ്ര: ദേശീയ അധ്യാപക ദിനം ആചരിക്കുന്നതിന്റെ ഭാഗമായി പേരാമ്പ്രയില്‍ എംഎസ്എഫ് പേരാമ്പ്ര നിയോജക മണ്ഡലം കമ്മിറ്റിയുടെ നേതൃത്വത്തില്‍ അധ്യാപക ദിനാചരണം സംഘടിപ്പിച്ചു.

പതിറ്റാണ്ടുകള്‍ തലമുറകള്‍ക്ക് അറിവ് പകര്‍ന്നു നല്‍കിയ അരീക്കല്‍ അമ്മദ് മാസ്റ്ററെ ചടങ്ങില്‍ ആദരിച്ചു. മുന്‍ പേരാമ്പ്ര ഗ്രാമപഞ്ചായത്ത് വൈസ് പ്രസിഡന്റും മുസ്ലിം ലീഗ് പേരാമ്പ്ര നിയോജക മണ്ഡലം ട്രഷററുമായിരുന്നു അദ്ദേഹം.

പേരാമ്പ്ര പഞ്ചായത്ത് മുസ്ലിം ലീഗ് പ്രസിഡന്റ് ഇ. ഷാഹി അദ്ദേഹത്തെ പൊന്നാട അണിയിച്ചു. നിയോജക മണ്ഡലം എം.എസ്.എഫ് പ്രസിഡന്റ് എം.കെ ഫസലുറഹ്‌മാന്‍ ചടങ്ങില്‍ അധ്യക്ഷത വഹിച്ചു.

ജനറല്‍ സെക്രട്ടറി അന്‍സില്‍ കീഴരിയൂര്‍, ട്രഷറര്‍ ആഷിഖ് പുല്ല്യോട്ട്, മുഹമ്മദ് ഷാ, സവാദ് കല്ലോട് എന്നിവര്‍ ചടങ്ങില്‍ സംബന്ധിച്ചു. ദേശീയ അധ്യാപക ദിനത്തിന്റെ പ്രാധാന്യം ഉള്‍ക്കൊണ്ടുകൊണ്ടാണ് പരിപാടി സംഘടിപ്പിച്ചതെന്ന് ഭാരവാഹികള്‍ പറഞ്ഞു.

വിദ്യാഭ്യാസ രംഗത്തും പൊതുരംഗത്തും അരീക്കല്‍ അമ്മദ് മാസ്റ്റര്‍ നല്‍കിയ സംഭാവനകളെ ചടങ്ങില്‍ അനുസ്മരിച്ചു. പതിറ്റാണ്ടുകളായി നിരവധി തലമുറകള്‍ക്ക് അറിവ് പകര്‍ന്നു നല്‍കിയ അധ്യാപകനാണ് അദ്ദേഹമെന്നും സംഘാടകര്‍ പറഞ്ഞു.

### Related Links & Sources
- [Original Story Source](https://perambra.truevisionnews.com/news/381499/msf-perambra-teachers-day-areekkal-ahmed-master-honored)