---
title: "മേപ്പയ്യൂരില്‍ പെയിന്റേഴ്‌സ് സഹകരണ കൂട്ടായ്മ സ്‌നേഹ സംഗമം നടത്തി"
english_title: "Meppayyur Painters Cooperative Group Holds Sneha Sangamam at Vyapara Bhavan Auditorium"
publisher: "perambranews.in"
canonical_url: "https://perambra.truevisionnews.com/news/381534/meppayyur-painters-cooperative-sneha-sangamam-kumar-kalpathoor-inauguration"
published_at: "2026-09-07T15:56:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6a9e946d2b132_yu.JPG"
keywords: ["Painters Cooperative", "Sneha Sangamam", "Kumar Kalpathoor", "Vyapara Bhavan"]
---

# മേപ്പയ്യൂരില്‍ പെയിന്റേഴ്‌സ് സഹകരണ കൂട്ടായ്മ സ്‌നേഹ സംഗമം നടത്തി

> **Lead Summary:** **മേപ്പയ്യൂര്‍ : **മേപ്പയ്യൂര്‍ മേഖല പെയിന്റേഴ്‌സ് സഹകരണ കൂട്ടായ്മയുടെ സ്‌നേഹ സംഗമം മേപ്പയ്യൂര്‍ വ്യാപാര ഭവന്‍ ഓഡിറ്റോറിയത്തില്‍ നടത്തി. പ്രമുഖ ചിത്രകലാകാരന്‍ കുമാര്‍ കല്‍പ്പത്തൂര്‍ സംഗമം ഉദ്ഘാടനം ചെയ്തു.

## Article Content

**മേപ്പയ്യൂര്‍ : **മേപ്പയ്യൂര്‍ മേഖല പെയിന്റേഴ്‌സ് സഹകരണ കൂട്ടായ്മയുടെ സ്‌നേഹ സംഗമം മേപ്പയ്യൂര്‍ വ്യാപാര ഭവന്‍ ഓഡിറ്റോറിയത്തില്‍ നടത്തി. പ്രമുഖ ചിത്രകലാകാരന്‍ കുമാര്‍ കല്‍പ്പത്തൂര്‍ സംഗമം ഉദ്ഘാടനം ചെയ്തു.

സമീര്‍ മാണിക്കോത്ത് അധ്യക്ഷത വഹിച്ചു. പെയിന്റിംഗ് തൊഴിലാളികളുടെ കൂട്ടായ്മയും സൗഹൃദവും ശക്തിപ്പെടുത്തുക എന്ന ലക്ഷ്യത്തോടെയാണ് സ്‌നേഹ സംഗമം സംഘടിപ്പിച്ചത്.

തൊഴില്‍ മേഖലയിലെ അനുഭവങ്ങളും കൂട്ടായ്മയുടെ പ്രവര്‍ത്തനങ്ങളും പങ്കുവെക്കുന്നതിനുള്ള വേദിയായും സംഗമം മാറി. ചടങ്ങില്‍ മുജീബ് കോമത്ത്, ഇ.ടി അനീഷ്, ബാബുരാജ് കല്‍പ്പത്തൂര്‍, രവി ആയോല്‍പ്പടി, പി.എം പവിത്രന്‍, ബാബു കീഴ്പ്പയ്യൂര്‍, കുഞ്ഞിമൊയ്തി കീഴരിയൂര്‍ എന്നിവര്‍ സംസാരിച്ചു.

സംസാരിച്ചവരെല്ലാം പെയിന്റേഴ്‌സ് മേഖല നേരിടുന്ന വെല്ലുവിളികളും സഹകരണ കൂട്ടായ്മയുടെ പ്രാധാന്യവും എടുത്തു പറഞ്ഞു. സംഗമത്തിന്റെ ഭാഗമായി മുതിര്‍ന്ന പെയിന്റിംഗ് തൊഴിലാളികളെ ആദരിക്കല്‍ ചടങ്ങ് നടന്നു.

വര്‍ഷങ്ങളായി ഈ മേഖലയില്‍ സേവനം അനുഷ്ഠിച്ചവരെയാണ് ചടങ്ങില്‍ ആദരിച്ചത്. ഇതിനു പുറമെ മെന്റലിസം ഷോയും വിവിധ കലാപരിപാടികളും അരങ്ങേറി.

പരിപാടികള്‍ സംഗമത്തിന് കൂടുതല്‍ ആകര്‍ഷണീയത പകര്‍ന്നു. മേഖലയിലെ നിരവധി പെയിന്റിംഗ് തൊഴിലാളികള്‍ സ്‌നേഹ സംഗമത്തില്‍ പങ്കെടുത്തു.

### Related Links & Sources
- [Original Story Source](https://perambra.truevisionnews.com/news/381534/meppayyur-painters-cooperative-sneha-sangamam-kumar-kalpathoor-inauguration)