---
title: "വേളത്ത് ഹെല്‍ത്തി കേരള പരിശോധന; 15 സ്ഥാപനങ്ങളില്‍ പരിശോധന നടത്തി"
english_title: "Healthy Kerala Inspection Conducted at Velam Panchayat 15 Establishments Checked"
publisher: "perambranews.in"
canonical_url: "https://perambra.truevisionnews.com/news/382780/healthy-kerala-inspection-velam-panchayat-15-shops-checked"
published_at: "2026-09-15T16:51:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6aa92b6362406_helth.jpg"
keywords: ["Healthy Kerala Inspection", "Velam Family Health Center", "Food Safety Inspection", "COTPA Fine"]
---

# വേളത്ത് ഹെല്‍ത്തി കേരള പരിശോധന; 15 സ്ഥാപനങ്ങളില്‍ പരിശോധന നടത്തി

> **Lead Summary:** **വേളം:** വേളം ഗ്രാമ പഞ്ചായത്തിന്റെയും കുടുംബാരോഗ്യ കേന്ദ്രം വേളത്തിന്റെയും ആഭിമുഖ്യത്തില്‍ വേളം ഗ്രാമ പഞ്ചായത്തിലെ വിവിധ സ്ഥാപനങ്ങളില്‍ ഹെല്‍ത്തി കേരള പരിശോധന നടത്തി. ഭക്ഷണം കൈകാര്യം ചെയ്യുന്ന 15 ഓളം സ്ഥാപനങ്ങളിലാണ് പരിശോധന നടന്നത്. ഹോട്ടലുകള്‍, കൂള്‍ബാറുകള്‍, ബേക്കറികള്‍ ഉള്‍പ്പെടെയുള്ള സ്ഥാപനങ്ങളിലാണ് പരിശോധന നടത്തിയത്.

## Article Content

**വേളം:** വേളം ഗ്രാമ പഞ്ചായത്തിന്റെയും കുടുംബാരോഗ്യ കേന്ദ്രം വേളത്തിന്റെയും ആഭിമുഖ്യത്തില്‍ വേളം ഗ്രാമ പഞ്ചായത്തിലെ വിവിധ സ്ഥാപനങ്ങളില്‍ ഹെല്‍ത്തി കേരള പരിശോധന നടത്തി. ഭക്ഷണം കൈകാര്യം ചെയ്യുന്ന 15 ഓളം സ്ഥാപനങ്ങളിലാണ് പരിശോധന നടന്നത്. ഹോട്ടലുകള്‍, കൂള്‍ബാറുകള്‍, ബേക്കറികള്‍ ഉള്‍പ്പെടെയുള്ള സ്ഥാപനങ്ങളിലാണ് പരിശോധന നടത്തിയത്.

പരിശോധനയില്‍ സ്ഥാപനങ്ങളിലെ ഭക്ഷ്യസുരക്ഷ, കുടിവെള്ളത്തിന്റെ ഗുണനിലവാരം, ശുചിത്വം എന്നിവ പരിശോധിച്ചതായി ഹെല്‍ത്ത് വിഭാഗം അറിയിച്ചു. ഭക്ഷണം കൈകാര്യം ചെയ്യുന്നതില്‍ ശുചിത്വം പാലിക്കുന്നുണ്ടോ, കുടിവെള്ളം സുരക്ഷിതമാണോ എന്നീ കാര്യങ്ങളില്‍ വിശദമായ പരിശോധനയാണ് നടത്തിയത്.

ഹെല്‍ത്ത് കാര്‍ഡ് ഇല്ലാത്ത ജീവനക്കാരുള്ള സ്ഥാപനങ്ങള്‍ക്ക് ആവശ്യമായ നടപടി സ്വീകരിക്കുന്നതിനായി പൊതുജനാരോഗ്യ നിയമപ്രകാരം നോട്ടീസ് നല്‍കി. കൂടാതെ കോട്ട്പ നിയമപ്രകാരം 600 രൂപ പിഴ ഈടാക്കിയതായും അധികൃതര്‍ അറിയിച്ചു.

ഹെല്‍ത്ത് ഇന്‍സ്‌പെക്ടര്‍ എന്‍ സിറാജ്, ജൂനിയര്‍ ഹെല്‍ത്ത് ഇന്‍സ്‌പെക്ടര്‍മാരായ കെ.കെ സലാം, പി ജാസ്മിന്‍, ഗ്രാമപഞ്ചായത്ത് ഹെല്‍ത്ത് ഇന്‍സ്‌പെക്ടര്‍ നിഖില്‍ എന്നിവര്‍ പരിശോധനയ്ക്ക് നേതൃത്വം നല്‍കി. വേളം പഞ്ചായത്ത് പരിധിയില്‍ വരും ദിവസങ്ങളിലും ഹെല്‍ത്തി കേരളയുടെ ഭാഗമായുള്ള പരിശോധനകള്‍ തുടരുമെന്ന് ആരോഗ്യ വിഭാഗം അറിയിച്ചു. പൊതുജനാരോഗ്യം ഉറപ്പാക്കുന്നതിന്റെ ഭാഗമായാണ് പരിശോധന ശക്തമാക്കിയത്.

### Related Links & Sources
- [Original Story Source](https://perambra.truevisionnews.com/news/382780/healthy-kerala-inspection-velam-panchayat-15-shops-checked)