---
title: "പ്രമുഖ കരാട്ടെ പരിശീലകൻ ഷിഹാൻ എം.കെ മധു ജപ്പാനിലേക്ക്; 11-ാമത് ലോക ഷിറ്റോ-റിയു ചാമ്പ്യൻഷിപ്പിൽ പങ്കെടുക്കും"
english_title: "Karate Coach Shihan MK Madhu To Japan For 11th World Shitoryu Karate Championship"
publisher: "perambranews.in"
canonical_url: "https://perambra.truevisionnews.com/news/383499/karate-coach-shihan-mk-madhu-to-japan-world-shitoryu-championship"
published_at: "2026-09-19T23:35:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6aaf810fdb521_yu.JPG"
keywords: ["MK Madhu", "Perambra News", "Shito Ryu Karate", "World Karate Championship Japan"]
---

# പ്രമുഖ കരാട്ടെ പരിശീലകൻ ഷിഹാൻ എം.കെ മധു ജപ്പാനിലേക്ക്; 11-ാമത് ലോക ഷിറ്റോ-റിയു ചാമ്പ്യൻഷിപ്പിൽ പങ്കെടുക്കും

> **Lead Summary:** പേരാമ്പ്ര: പ്രമുഖ കരാട്ടെ പരിശീലകനായ ഷിഹാൻ എം.കെ മധു ജപ്പാനിലേക്ക് പോകുന്നു. സെപ്റ്റംബർ 24 മുതൽ 27 വരെ ജപ്പാനിലെ യോക്കോഹാമ ബുന്റായിൽ നടക്കുന്ന 11-ാമത് ലോക ഷിറ്റോ-റിയു കരാട്ടെ ചാമ്പ്യൻഷിപ്പിൽ പങ്കെടുക്കുന്നതിനാണ് ഇദ്ദേഹം ജപ്പാനിലേക്ക് പോകുന്നത്.

## Article Content

പേരാമ്പ്ര: പ്രമുഖ കരാട്ടെ പരിശീലകനായ ഷിഹാൻ എം.കെ മധു ജപ്പാനിലേക്ക് പോകുന്നു. സെപ്റ്റംബർ 24 മുതൽ 27 വരെ ജപ്പാനിലെ യോക്കോഹാമ ബുന്റായിൽ നടക്കുന്ന 11-ാമത് ലോക ഷിറ്റോ-റിയു കരാട്ടെ ചാമ്പ്യൻഷിപ്പിൽ പങ്കെടുക്കുന്നതിനാണ് ഇദ്ദേഹം ജപ്പാനിലേക്ക് പോകുന്നത്.

കേരള സ്റ്റേറ്റ് ഷിറ്റോ-റിയോ കരാട്ടെ അസോസിയേഷന്റെ പ്രസിഡന്റും സെൻ ഷിറ്റോ-റിയോ കരാട്ടെ സ്കൂൾ നാഷണൽ സെക്രട്ടറിയുമാണ് പേരാമ്പ്ര വെള്ളിയൂർ സ്വദേശിയായ എം.കെ മധു.

കേരളത്തിൽ നിന്നും 40 ഓളം പേർ മത്സരത്തിൽ പങ്കെടുക്കുന്നുണ്ട്. ഇവരെ നയിക്കുന്നത് മധു ഉൾപ്പെടുന്ന ഒഫീഷ്യൽസാണ് എന്നാണ് അറിയിച്ചിരിക്കുന്നത്. 2023 ൽ ഇന്തോനേഷ്യയിൽ വെച്ച് നടന്ന ലോക കരാട്ടെ മത്സരത്തിലും കേരള ടീമിനെ നയിച്ചത് ഷിഹാൻ എം.കെ മധു ആയിരുന്നു.

കരാട്ടെ ചാമ്പ്യൻഷിപ്പിന്റെ ഭാഗമായി നടക്കുന്ന കാത്ത, കുമിത്തെ തുടങ്ങിയ സെമിനാറുകളിൽ ഇദ്ദേഹം സംബന്ധിക്കും എന്നാണ് അറിയിച്ചിരിക്കുന്നത്. നിരവധി ശിഷ്യഗണങ്ങളുള്ള ഇദ്ദേഹം കൺസ്യൂമർഫെഡ് ജീവനക്കാരനാണ്.

ജപ്പാനിൽ നടക്കുന്ന ലോക ചാമ്പ്യൻഷിപ്പിൽ പങ്കെടുക്കുന്നതിനായി എം.കെ മധു പേരാമ്പ്രയിൽ നിന്നും ജപ്പാനിലേക്ക് യാത്ര തിരിക്കും. യോക്കോഹാമ ബുന്റായിൽ നാല് ദിവസങ്ങളിലായി നടക്കുന്ന ചാമ്പ്യൻഷിപ്പിൽ വിവിധ രാജ്യങ്ങളിൽ നിന്നുള്ള താരങ്ങൾ പങ്കെടുക്കുമെന്നാണ് സംഘാടകർ അറിയിച്ചിരിക്കുന്നത്.

### Related Links & Sources
- [Original Story Source](https://perambra.truevisionnews.com/news/383499/karate-coach-shihan-mk-madhu-to-japan-world-shitoryu-championship)