---
title: "കായണ്ണ ബസാര്‍ ഗോവിന്ദന്‍ കിടാവിന്റെ 17-ാം ചരമവാര്‍ഷികം ആചരിച്ചു"
english_title: "Kayanna Bazar Govindan Kidavu 17th Death Anniversary Observed"
publisher: "perambranews.in"
canonical_url: "https://perambra.truevisionnews.com/news/391418/kayanna-bazar-govindan-kidavu-17th-death-anniversary"
published_at: "2026-11-13T10:23:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6af699a4760b2_frty.JPG"
keywords: ["Kayanna", "Govindan Kidavu", "Congress", "Death Anniversary", "Freedom Fighter"]
---

# കായണ്ണ ബസാര്‍ ഗോവിന്ദന്‍ കിടാവിന്റെ 17-ാം ചരമവാര്‍ഷികം ആചരിച്ചു

> **Lead Summary:** **കായണ്ണ : **സ്വാതന്ത്ര്യസമര സേനാനിയും കോണ്‍ഗ്രസ് നേതാവുമായിരുന്ന 'ഗുരുജി' എന്ന പേരില്‍ അറിയപ്പെട്ടിരുന്ന കായണ്ണ ബസാര്‍ ഗോവിന്ദന്‍ കിടാവിന്റെ 17-ാം ചരമവാര്‍ഷികം ആചരിച്ചു. അദ്ദേഹത്തിന്റെ വസതിയിലെ സ്മൃതിമണ്ഡപത്തില്‍ പുഷ്പാര്‍ച്ചന നടത്തിയാണ് അനുസ്മരണദിനാചരണം സംഘടിപ്പിച്ചത്.

## Article Content

**കായണ്ണ : **സ്വാതന്ത്ര്യസമര സേനാനിയും കോണ്‍ഗ്രസ് നേതാവുമായിരുന്ന 'ഗുരുജി' എന്ന പേരില്‍ അറിയപ്പെട്ടിരുന്ന കായണ്ണ ബസാര്‍ ഗോവിന്ദന്‍ കിടാവിന്റെ 17-ാം ചരമവാര്‍ഷികം ആചരിച്ചു. അദ്ദേഹത്തിന്റെ വസതിയിലെ സ്മൃതിമണ്ഡപത്തില്‍ പുഷ്പാര്‍ച്ചന നടത്തിയാണ് അനുസ്മരണദിനാചരണം സംഘടിപ്പിച്ചത്.

തുടര്‍ന്ന് നടന്ന അനുസ്മരണ സമ്മേളനം ഡി.സി.സി. സെക്രട്ടറി എം. ഋഷികേശന്‍ ഉദ്ഘാടനം ചെയ്തു. ഡി.കെ.ടി.എഫ്. ബാലുശ്ശേരി നിയോജകമണ്ഡലം കമ്മിറ്റി പ്രസിഡന്റ്  ശശിധരന്‍ മംഗര അധ്യക്ഷത വഹിച്ചു. ഡോ. സി. ജെ. ജോര്‍ജ് അനുസ്മരണ പ്രഭാഷണം നടത്തി.

സ്വാതന്ത്ര്യസമര കാലഘട്ടത്തില്‍ നാടിനുവേണ്ടി നിസ്വാര്‍ത്ഥമായി പ്രവര്‍ത്തിച്ച ഗോവിന്ദന്‍ കിടാവിന്റെ ജീവിതം പുതിയ തലമുറയ്ക്ക് വലിയ പ്രചോദനമാണെന്ന് ചടങ്ങില്‍ സംസാരിച്ചവര്‍ ഓര്‍മ്മിപ്പിച്ചു. ഗുരുജി എന്ന വിളിപ്പേരില്‍ തന്നെ അദ്ദേഹം എത്രത്തോളം ജനകീയനായിരുന്നുവെന്ന് വ്യക്തമാണെന്നും അവര്‍ പറഞ്ഞു.

സാധാരണക്കാരുടെ പ്രശ്‌നങ്ങളില്‍ ഇടപെട്ടും കോണ്‍ഗ്രസ് പ്രസ്ഥാനത്തെ ശക്തിപ്പെടുത്തിയും അദ്ദേഹം നാടിന്റെ വികസനത്തില്‍ നിര്‍ണായക പങ്കുവഹിച്ചതായി പ്രഭാഷകര്‍ ചൂണ്ടിക്കാട്ടി.

കായണ്ണ മണ്ഡലം കോണ്‍ഗ്രസ് കമ്മിറ്റി പ്രസിഡന്റ് പി. വിനയന്‍, ബ്ലോക്ക് സെക്രട്ടറി പി.പി. ശ്രീധരന്‍, പി.പി. ഇബ്രാഹിം, വി.സി. പീതാംബരന്‍, സി.പി. ബാലകൃഷ്ണന്‍ തുടങ്ങിയവര്‍ സംസാരിച്ചു.

ഡി.കെ.ടി.എഫ്. മണ്ഡലം പ്രസിഡന്റ് ഉന്തുമ്മല്‍ നാരായണന്‍ സ്വാഗതം പറഞ്ഞ യോഗത്തില്‍ നിയോജകമണ്ഡലം സെക്രട്ടറി പി.സി. മോഹനന്‍ നന്ദി പറഞ്ഞു.

### Related Links & Sources
- [Original Story Source](https://perambra.truevisionnews.com/news/391418/kayanna-bazar-govindan-kidavu-17th-death-anniversary)