---
title: "പേരാമ്പ്രയില്‍ നിര്‍മ്മലം പുതുയുഗ ശുചിത്വ കേരളം കാമ്പയിന് തുടക്കമായി"
english_title: "Nirmalam Puthuyuga Suchithwa Keralam Campaign Launched Perambra"
publisher: "perambranews.in"
canonical_url: "https://perambra.truevisionnews.com/news/391588/nirmalam-puthuyuga-suchithwa-keralam-campaign-perambra"
published_at: "2026-11-14T12:11:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6af82e3f24aaf_vgggggggggggggg.JPG"
keywords: ["Perambra", "Nirmalam Puthuyuga", "Suchithwa Keralam", "Cleanliness Campaign", "Panchayat"]
---

# പേരാമ്പ്രയില്‍ നിര്‍മ്മലം പുതുയുഗ ശുചിത്വ കേരളം കാമ്പയിന് തുടക്കമായി

> **Lead Summary:** പേരാമ്പ്ര: പേരാമ്പ്ര ഗ്രാമ പഞ്ചായത്ത് നിര്‍മ്മലം പുതുയുഗ ശുചിത്വ കേരളം ശുചീകരണ കാമ്പയിന്റെ പഞ്ചായത്ത് തല ഉദ്ഘാടനം പേരാമ്പ്ര മത്സ്യ മാര്‍ക്കറ്റ് പരിസരത്ത് നടന്നു. പഞ്ചായത്ത് പ്രസിഡന്റ് ലതികാ വിനോദ് ഉദ്ഘാടനം ചെയ്തു.

## Article Content

പേരാമ്പ്ര: പേരാമ്പ്ര ഗ്രാമ പഞ്ചായത്ത് നിര്‍മ്മലം പുതുയുഗ ശുചിത്വ കേരളം ശുചീകരണ കാമ്പയിന്റെ പഞ്ചായത്ത് തല ഉദ്ഘാടനം പേരാമ്പ്ര മത്സ്യ മാര്‍ക്കറ്റ് പരിസരത്ത് നടന്നു. പഞ്ചായത്ത് പ്രസിഡന്റ് ലതികാ വിനോദ് ഉദ്ഘാടനം ചെയ്തു.

ശുചിത്വ കേരളം എന്ന ലക്ഷ്യത്തോടെ സംസ്ഥാന വ്യാപകമായി നടപ്പാക്കുന്ന കാമ്പയിന്റെ ഭാഗമായാണ് പേരാമ്പ്ര പഞ്ചായത്തിലും ശുചീകരണ പ്രവര്‍ത്തനങ്ങള്‍ക്ക് തുടക്കം കുറിച്ചത്. മത്സ്യ മാര്‍ക്കറ്റ് പരിസരവും ടൗണ്‍ പ്രദേശങ്ങളും ഉള്‍പ്പെടെ പഞ്ചായത്തിലെ വിവിധ ഇടങ്ങളില്‍ ശുചീകരണ പ്രവര്‍ത്തനങ്ങള്‍ നടക്കും.

ചടങ്ങില്‍ പഞ്ചായത്ത് സെക്രട്ടറി ഫാത്തിമ റിഷാന, അഡീഷണല്‍ സെക്രട്ടറി സുകുമാരന്‍, പഞ്ചായത്ത് അംഗം യൂസഫ്, ഹെല്‍ത്ത് ഇന്‍സ്‌പെക്ടര്‍ ഷൈജു എന്നിവര്‍ പങ്കെടുത്തു.

പൊതുജനങ്ങളുടെയും വ്യാപാരികളുടെയും കൂട്ടായ പങ്കാളിത്തത്തോടെ മാത്രമേ ശുചിത്വ പ്രവര്‍ത്തനങ്ങള്‍ വിജയകരമാക്കാന്‍ കഴിയൂ എന്ന് അധികൃതര്‍ പറഞ്ഞു. മാലിന്യം വലിച്ചെറിയാതെ ശാസ്ത്രീയമായി സംസ്‌കരിക്കാനും പൊതുസ്ഥലങ്ങള്‍ വൃത്തിയായി സൂക്ഷിക്കാനും എല്ലാവരും സഹകരിക്കണമെന്നും അവര്‍ അഭ്യര്‍ത്ഥിച്ചു.

വരും ദിവസങ്ങളില്‍ പഞ്ചായത്തിലെ വിവിധ വാര്‍ഡുകളില്‍ കാമ്പയിന്റെ ഭാഗമായി ശുചീകരണ പ്രവര്‍ത്തനങ്ങള്‍, ബോധവല്‍ക്കരണ പരിപാടികള്‍, മാലിന്യ സംസ്‌കരണ സംവിധാനങ്ങളുടെ പരിശോധന എന്നിവ നടക്കും. ഹരിത കര്‍മ്മ സേനയുടെയും ആരോഗ്യ വിഭാഗത്തിന്റെയും നേതൃത്വത്തില്‍ പ്രവര്‍ത്തനങ്ങള്‍ ഏകോപിപ്പിക്കും.

### Related Links & Sources
- [Original Story Source](https://perambra.truevisionnews.com/news/391588/nirmalam-puthuyuga-suchithwa-keralam-campaign-perambra)