---
title: "പുളീക്കണ്ടി മുത്തപ്പന്‍ മടപ്പുര കലാനിധി പുരസ്‌കാരം വിദ്യ ശ്രീജിത്തിന്"
english_title: "Pulikkandi Muthappan Madappura Kalanidhi Award Vidya Sreejith"
publisher: "perambranews.in"
canonical_url: "https://perambra.truevisionnews.com/news/392307/pulikkandi-muthappan-madappura-kalanidhi-award-vidya-sreejith"
published_at: "2026-11-19T16:22:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6afed540af680_divy.jpg"
keywords: ["Kalanidhi Award", "Vidya Sreejith", "Pulikkandi Muthappan", "Perambra", "Kalamandalam"]
---

# പുളീക്കണ്ടി മുത്തപ്പന്‍ മടപ്പുര കലാനിധി പുരസ്‌കാരം വിദ്യ ശ്രീജിത്തിന്

> **Lead Summary:** പേരാമ്പ്ര: പുളീക്കണ്ടി മുത്തപ്പന്‍ മടപ്പുര ഏര്‍പ്പെടുത്തിയ ഏഴാമത് കലാനിധി പുരസ്‌കാരം പ്രശസ്ത നര്‍ത്തകി കലാമണ്ഡലം വിദ്യ ശ്രീജിത്തിന്. 25 വര്‍ഷമായി നൃത്താധ്യാപനം നടത്തുന്ന വിദ്യ ശ്രീജിത്ത് പേരാമ്പ്ര കലാദീപം ക്ലാസ്സിക്കല്‍ ഡാന്‍സ് സ്‌കൂള്‍ ഡയറക്ടര്‍ കൂടിയാണ്. തിരുവപ്പന മഹോത്സവത്തിന്റെ ഭാഗമായി ജനുവരി 21 ന് നടക്കുന്ന ചടങ്ങില്‍ പുരസ്‌കാരം സമ്മാനിക്കുമെന്ന് ഭാരവാഹികള്‍ അറിയിച്ചു.

## Article Content

പേരാമ്പ്ര: പുളീക്കണ്ടി മുത്തപ്പന്‍ മടപ്പുര ഏര്‍പ്പെടുത്തിയ ഏഴാമത് കലാനിധി പുരസ്‌കാരം പ്രശസ്ത നര്‍ത്തകി കലാമണ്ഡലം വിദ്യ ശ്രീജിത്തിന്. 25 വര്‍ഷമായി നൃത്താധ്യാപനം നടത്തുന്ന വിദ്യ ശ്രീജിത്ത് പേരാമ്പ്ര കലാദീപം ക്ലാസ്സിക്കല്‍ ഡാന്‍സ് സ്‌കൂള്‍ ഡയറക്ടര്‍ കൂടിയാണ്. തിരുവപ്പന മഹോത്സവത്തിന്റെ ഭാഗമായി ജനുവരി 21 ന് നടക്കുന്ന ചടങ്ങില്‍ പുരസ്‌കാരം സമ്മാനിക്കുമെന്ന് ഭാരവാഹികള്‍ അറിയിച്ചു.

കേരളത്തിന്റെ ക്ലാസിക്കല്‍ നൃത്ത പാരമ്പര്യത്തെ തലമുറകളിലേക്ക് പകര്‍ന്നു നല്‍കുന്നതില്‍ നിസ്തുലമായ സംഭാവന നല്‍കിയ കലാകാരിയാണ് കലാമണ്ഡലം വിദ്യ ശ്രീജിത്ത്. കലാമണ്ഡലത്തില്‍ നിന്ന് നൃത്തത്തില്‍ ഉന്നത പരിശീലനം നേടിയ അവര്‍, പേരാമ്പ്രയിലും പരിസര പ്രദേശങ്ങളിലുമായി നൂറുകണക്കിന് കുട്ടികള്‍ക്ക് ഭരതനാട്യം, മോഹിനിയാട്ടം, കുച്ചിപ്പുടി തുടങ്ങിയ നൃത്തരൂപങ്ങളില്‍ പരിശീലനം നല്‍കി വരുന്നു.

കലാദീപം ക്ലാസ്സിക്കല്‍ ഡാന്‍സ് സ്‌കൂളിലൂടെ നിരവധി വിദ്യാര്‍ത്ഥികളെ കലാരംഗത്ത് എത്തിച്ച വിദ്യ ശ്രീജിത്ത്, സ്‌കൂള്‍ കലോത്സവങ്ങളിലും സംസ്ഥാനതല വേദികളിലും തന്റെ ശിഷ്യരെ മികവിന്റെ നെറുകയില്‍ എത്തിച്ചിട്ടുണ്ട്. നൃത്തത്തെ വെറുമൊരു കലയായി കാണാതെ, സംസ്‌കാരവും മൂല്യങ്ങളും കുട്ടികളില്‍ പകര്‍ന്നു നല്‍കുന്ന അധ്യാപിക കൂടിയാണ് അവര്‍.

25 വര്‍ഷത്തെ അധ്യാപന ജീവിതത്തിലെ അര്‍പ്പണബോധവും കലയോടുള്ള ആത്മാര്‍ത്ഥതയും തന്നെയാണ് ഈ അംഗീകാരത്തിന് അവരെ അര്‍ഹയാക്കിയതെന്ന് ഭാരവാഹികള്‍ പറഞ്ഞു.ജനുവരി 21ന് നടക്കുന്ന തിരുവപ്പന മഹോത്സവ വേദിയില്‍ വെച്ച് നടക്കുന്ന ചടങ്ങില്‍ വിശിഷ്ട വ്യക്തികളും നാട്ടുകാരും കലാസ്‌നേഹികളും പങ്കെടുക്കും.

### Related Links & Sources
- [Original Story Source](https://perambra.truevisionnews.com/news/392307/pulikkandi-muthappan-madappura-kalanidhi-award-vidya-sreejith)