ചെമ്പനോട: ചെമ്പനോട ഗവ: ആയുര്വ്വേദ ഡിസ്പന്സറി ആയുഷ് ഹെല്ത്ത് & വെല്നസ് സെന്ററായി ഉയര്ത്തിയതിന്റെ ഭാഗമായി നടത്തുന്ന യോഗ പരിശീലനത്തിന്റെ ഉദ്ഘാടനം ഗ്രാമ പഞ്ചായത്ത് പ്രസിഡന്റ് കെ. സുനില് നിര്വ്വഹിച്ചു.
മെഡിക്കല് ഓഫീസര് അനു സി. മാത്യു അദ്ധ്യക്ഷത വഹിച്ചു. ആയുഷ് ഹെല്ത്ത് & വെല്നസ് സെന്ററിന്റെ പ്രവര്ത്തനങ്ങളിലൂടെ സാമൂഹികവും, ശാരീരികവും, മാനസികവുമായ ആരോഗ്യമാണ് ഉദ്ദേശിക്കുന്നത്.
ജീവിത ശൈലി രോഗ നിയന്ത്രണം, ഗര്ഭിണികളുടെ പരിചരണം, ശാസ്ത്രീയമായ രീതിയില് പ്രസവാനന്തര ശുശ്രൂഷ, വയോജന പരിപാലനം, കൗമാരക്കാര്ക്കിടയിലെ മദ്യം - മയക്കുമരുന്ന് എന്നിവയുടെ ഉപയോഗം നിയന്ത്രിക്കല് എന്നിവയാണ് ഈ പദ്ധതിയുടെ ലക്ഷ്യങ്ങള്.
ജയേഷ് കുമാര്, ടി.കെ. കുഞ്ഞിമാത തുടങ്ങിയവര് സംസാരിച്ചു. കെ.കെ. രാജന് സ്വാഗതം പറഞ്ഞ ചടങ്ങില് ഷീന പുരുഷു നന്ദിയും പറഞ്ഞു.
Chembanoda Govt: Free Yoga Training at Ayurveda Dispenser