പേരാമ്പ്ര: കൂത്താളി ഗ്രാമ പഞ്ചായത്ത് കുടുംബശ്രീ സിഡിഎസ് കെട്ടിടം നാടിന് സമര്‍പ്പിച്ചു. പേരാമ്പ്ര എംഎല്‍എ ടി.പി രാമകൃഷ്ണന്‍ ഉദ്ഘാടനം നിര്‍വ്വഹിച്ചു.
സിഡിഎസ് കെട്ടിടത്തില്‍ പ്രവര്‍ത്തിക്കുന്ന ജന്റര്‍ റിസോഴ്‌സ് സെന്റര്‍ പേരാമ്പ്ര ബ്ലോക്ക് പഞ്ചായത്ത് പ്രസിഡന്റ് എന്‍.പി. ബാബു ഉദ്ഘാടനം ചെയ്തു. ചടങ്ങിന് ഗ്രാമ പഞ്ചായത്ത് പ്രസിഡന്റ് കെ.കെ. ബിന്ദു അദ്ധ്യക്ഷത വഹിച്ചു.
ടി.പി. രാമകൃഷ്ണന്‍ തൊഴില്‍ എക്‌സൈസ് വകുപ്പ് മന്ത്രിയായ സമയത്ത് പേരാമ്പ്ര ഫെസ്റ്റ് സംഘടിപ്പിക്കുകയും അതില്‍ മൂന്നാം സ്ഥാനം ലഭിച്ചതിന് ഗ്രാന്റായ് ലഭിച്ച 15 ലക്ഷം രൂപ ചിലവഴിച്ച് കൊണ്ട് മുന്‍ ഭരണ സമിതി കുടുംബശ്രീ സിഡിഎസ് കെട്ടിടത്തിന് തറക്കല്ല് ഇടുകയായിരുന്നു.
ഇന്ന് നിര്‍മ്മാണം പൂര്‍ത്തിയായ കെട്ടിടം നാടിന് സമര്‍പ്പിച്ചു. കുടുംബശ്രീ ജില്ലാ കോഡിനേറ്റര്‍ പി.സി. കവിത മുഖ്യ അഥിതിയായി സംസാരിച്ചു.
ബ്ലോക്ക് മെമ്പര്‍മാരായ സി.യം. സനാതനന്‍ , പി.ടി. അഷറഫ്, ഷേമകാര്യ സ്റ്റാറ്റിംഗ് കമ്മറ്റി ചെയര്‍മാന്‍ വി.ഗോപി, ഗ്രാമ പഞ്ചായത്ത് അംഗം കെ.വി. രാഗിത, രാഷ്ട്രീയ പാര്‍ട്ടി പ്രതിനിധികളായ കെ.യം. ബാലകൃഷ്ണന്‍, മോഹന്‍ദാസ് ഓണിയില്‍, പി.ടി. കുമാരന്‍, മുഹമ്മദ് ലാല്‍ , ദിനേശ് കാപ്പുങ്കര, രാമദാസ് കുനിയില്‍ എന്നിവര്‍ ആശംസകള്‍ അര്‍പ്പിച്ചു.
ചടങ്ങില്‍ മുന്‍ ജനപ്രതിനിധികള്‍, കുടുംബശ്രീ പ്രവര്‍ത്തകര്‍ എന്നിവര്‍ പങ്കെടുത്തു. ചടങ്ങിന് സിഡിഎസ് ചെയര്‍ പേഴ്‌സണ്‍ ടി.പി. സരള സ്വാഗതവും സെക്രട്ടറി സബിത ഒ.കെ. നന്ദിയും രേഖപ്പെടുത്തി.
Koothali Grama Panchayat Kudumbasree CDS building dedicated to Nadu
.jpg)
