പേരാമ്പ്ര: വിജയ ദശമി ആഘോഷത്തോടനുബന്ധിച്ച് ക്ഷേത്രങ്ങളില്‍ കുരുന്നുകള്‍ ആദ്യാക്ഷരം കുറിച്ചു.
വിദ്യാരംഭ ചടങ്ങുകള്‍ക്കായി വിപുലമായ ഒരുക്കങ്ങളാണ് ക്ഷേത്രങ്ങളില്‍ സജ്ജീകരിച്ചിരുന്നത്. കരഞ്ഞും ചിരിച്ചും കുസൃതി കാട്ടിയുമാണ് കുരുന്നുകള്‍ ആദ്യാക്ഷരം കുറച്ചത്.
പേരാമ്പ്രയിലെയും സമീപ പ്രദേശങ്ങളിലെയും വിവിധ ഭാഗങ്ങളില്‍ നിന്നുള്‍പ്പെടെ നിരവധി ഭക്തര്‍ കുരുന്നുകള്‍ക്ക് ഹരിശ്രീ കുറിക്കാന്‍ വിവിധ ക്ഷേത്രങ്ങളിലെത്തി.
പേരാമ്പ്ര എളമാരന്‍ കുളങ്ങര ഭഗവതി ക്ഷേത്രം, കൂത്താളി കമ്മോത്ത് മഹാവിഷ്ണു ക്ഷേത്രം, കല്ലോട് വയങ്ങോട്ടുമ്മല്‍ പര ദേവത ക്ഷേത്രം, പയ്യോര്‍ മല ഭഗവതി ക്ഷേത്രം പനക്കാട്, പാലയാട് ശ്രീകൃഷ്ണ ക്ഷേത്രം പനക്കാട്, കല്ലോട് സുബ്രഹ്മണ്യ ക്ഷേത്രം,
ആവള തറമ്മല്‍ അയ്യപ്പ ക്ഷേത്രം, ചങ്ങരോത്ത് ഗോപുരത്തിടം, കൂനിയോട് ഭഗവതി ക്ഷേത്രം, പാറക്കടവ് അരിയന്താരി ശ്രികൃഷ്ണ ക്ഷേത്രം പാടക്കടവ്, പരദേവത ക്ഷേത്രം പാണ്ടിക്കോട്, കുഴപ്പള്ളി നട ഭഗവതി കരിയാത്തന്‍ കാവ്, പയ്യോര്‍ മല ഭഗവതി ക്ഷേത്രം പനക്കാട് തുടങ്ങിയ ക്ഷേത്രങ്ങളിലെല്ലാം നിരവധി കുരുന്നുകളാണ് അക്ഷര മധുരം നുകര്‍ന്നത്.
കോട്ടൂര്‍ കുന്നരം വെള്ളി അത്തൂനി ദേവി ക്ഷേത്രത്തിലും നവരാത്രി ആഘോഷം വിപുലമായ പരിപാടികളോടെ നടത്തി .
മേല്‍ശാന്തി എടശ്ശേരി ഇല്ലത്ത് രവീന്ദ്രന്‍ നമ്പൂതിരി മുഖ്യ കാര്‍മ്മികത്വം വഹിച്ചു. എടച്ചേരി വിജയന്‍ കുട്ടികളെ എഴുത്തിനിരുത്തി. വാഹനപൂജ ,എഴുത്തിനിരുത്തല്‍ ,ഗ്രന്ഥപൂജ ,നവരാത്രി പൂജ എന്നിവ നടത്തി .കോവിഡ് മാനദണ്ഡങ്ങള്‍ പാലിച്ചാണ് പരിപാടി നടത്തിയതെന്ന് ഭാരവാഹികള്‍ അറിയിച്ചു.
വിജിലന്‍സ് ജില്ലാ ജഡ്ജി ടി. മധുസൂദനന്‍ ആദ്യാക്ഷരം കുറിച്ചു. രവീന്ദ്രന്‍ കേളോത്ത് അദ്ധ്യക്ഷനായ്. അഡ്വ. പി.സി ശശിധരന്‍, കെ.സി.സുരേഷ് കുമാര്‍, പി.സി.ഗോപിനാഥന്‍, ദീപേഷ് കളരിക്കല്‍, ഗോപാലന്‍ നായര്‍ , രമ്യ കെ.സി, ഗംഗാധര മാരാര്‍, കെ.എം.ബാലകൃഷ്ണന്‍ എന്നിവര്‍ സംബന്ധിച്ചു.
സാംസ്‌കാരിക മേഖലകളിലെ പ്രമുഖരും, ക്ഷേത്രം ആചാര്യന്മാരും കുട്ടികള്‍ക്ക് ആദ്യാക്ഷരം പകര്‍ന്നു നല്‍കി.
കോവിഡിനെ തുടര്‍ന്ന് രണ്ട് വര്‍ഷത്തിന് ശേഷമാണ് ക്ഷേത്രങ്ങളില്‍ വിദ്യാരംഭ ചടങ്ങുകള്‍ നടത്തുന്നത്. അതിനാല്‍ തന്നെ വിദ്യാരംഭത്തിനും ക്ഷേത്ര ദര്‍ശനത്തിനും ക്ഷേത്രങ്ങളില്‍ കാലത്ത് മുതല്‍ വന്‍ തിരക്കാണ് ക്ഷേത്രങ്ങളില്‍ അനുഭവപ്പെട്ടത്.
Education begins today; Kuruns indulged in the world of letters by consuming the sweetness of letters in the temples
.jpeg)
.jpeg)
_(22).jpeg)
.jpeg)
