പേരാമ്പ്ര: കഴിഞ്ഞ ദിവസം രാത്രിയുണ്ടായ ശക്തമായ ഇടിമിന്നലില്‍ കല്‍പത്തൂര്‍ ആക്കൂ പറമ്പില്‍ വീട് ഭാഗികമായി തകര്‍ന്നു. മലയില്‍ ചാലില്‍ സുരേഷിന്റെ വീടിനാണ് ഇടിമിന്നല്‍ ബാധിച്ചത്.
കോണ്‍ക്രീറ്റ് സ്ലാബ് തുളച്ച് വീട്ടിനുള്ളിലേക്കെത്തിയ ഇടിമിന്നലിന്റെ ആഘാതത്തില്‍ ഇലക്ടിക് - ഇലക്ട്രോണിക് ഉപകരണങ്ങള്‍ കത്തിനശിച്ചു. ഇലക്ട്രിക് മീറ്റര്‍, മെയിന്‍ സ്വിച്ച്, സര്‍വ്വീസ് വയര്‍, വീട്ടിനുള്ളിലെ വയറിംഗ് എന്നിവയും നശിച്ചു.
ഗോവണിയുടെ സ്റ്റീല്‍ കൈവരികള്‍, ചെങ്കല്‍ ചുവരുകള്‍ എന്നിവ പല ഭാഗത്തായി പിളര്‍ന്നു. വീട്ടിലുണ്ടായിരുന്നവര്‍ പരുക്കേല്‍ക്കാതെ രക്ഷപ്പെട്ടു. വില്ലേജ് - ഗ്രാമപഞ്ചായത്ത് അധികൃതര്‍ സന്ദര്‍ശിച്ചു നാശനഷ്ടം വിലയിരുത്തി.
The house at Kalpathur Akkuparambil was partially destroyed due to strong lightning
