ചക്കിട്ടപാറ: ചുമട്ട് തൊഴിലാളികളുമായുള്ള തര്‍ക്കത്തെ തുടര്‍ന്ന് ജലജീവന്‍ കുടിവെള്ള വിതരണ പദ്ധതിക്കായി എത്തിച്ച പൈപ്പുകള്‍ ഇറക്കാനാവാതെ തടസ്സപ്പെട്ടു.
കൊളുത്തുകള്‍ പൈപ്പുകളില്‍ ഘടിപ്പിക്കുന്ന ജോലിക്ക് തൊഴിലാളികള്‍ക്ക് നല്‍കാമെന്ന് പറഞ്ഞ തുക കുറഞ്ഞു പോയെന്ന് പറഞ്ഞാണ് ചുമട്ടുതൊഴിലാളികള്‍ എതിര്‍പ്പുന്നയിച്ചത്.
തുടര്‍ന്നു ലോറിക്കാരും തൊഴിലാളി യൂണിയന്‍കാരും പഞ്ചായത്ത് പ്രസിഡന്റ് കെ.സുനിലിന്റെ സാന്നിധ്യത്തില്‍ നടത്തിയ ചര്‍ച്ചയില്‍ വൈകീട്ടോടെ പ്രശ്‌നത്തിന് പരിഹാരമാവുകയായിരുന്നു. ഇതോടെ ഒരു ടണ്ണിന് 175 രൂപ തൊഴിലാളികള്‍ക്കു നല്‍കാമെന്ന ധാരണയില്‍ നാളെ ലോഡിറക്കാന്‍ തീരുമാനമായി.
ആദ്യം നൂറ് രൂപ നല്‍കാമെന്നായിരുന്നു അറിയിച്ചിരുന്നത്. ഐ.എന്‍.ടി.യു.സി, സി.ഐ.ടി.യു ഭാരവാഹികളും ചര്‍ച്ചയില്‍ പങ്കെടുത്തു.
Dispute with load workers: Unloading of pipes for the aquaculture project at Chakkitapara was interrupted
