പേരാമ്പ്ര: മുസ് ലിം സമൂഹത്തിന്റെ ആത്മീയവും ഭൗതികവുമായ ഉന്നമനത്തിന്റെയും വളര്‍ച്ചയുടെയും അടിസ്ഥാന ശിലയാണ് മഹല്ല് സംവിധാനംമെന്നും അത് ശക്തവും വ്യവസ്ഥാപിതവുമാക്കുകയാണ് മഹല്ല് ഫെഡറേഷന്റെ പ്രഥമ പരിഗണനയാവേണ്ടതെന്നും എസ്എംഎഫ് സംസ്ഥാന സെക്രട്ടറി അബ്ദുസ്സമദ് പൂക്കോട്ടൂര്‍ അഭിപ്രായപ്പെട്ടു.
സുന്നി മഹല്ല് ഫെഡറേഷന്‍ കൂത്താളി പഞ്ചായത്ത് ജനറല്‍ ബോഡി ജല്‍സ -1443 ഈസ്റ്റ് പേരാമ്പ്ര എന്‍ഐഎസ് ഓഡിറ്റോറിയത്തില്‍ ഉദ്ഘാടനം ചെയ്യുകയായിരുന്നു അദ്ദേഹം.
എസ്എംഎഫ് പഞ്ചായത്ത് പ്രസിഡന്റ് തണ്ടോറ ഉമര്‍ അധ്യക്ഷത വഹിച്ചു. എസ്എംഎഫ് പേരാമ്പ്ര മേഖലാ പ്രസിഡന്റ് സകരിയാഫൈസി, സെക്രട്ടറി പി.എം.കോയ മുസ്ല്യാര്‍ എന്നിവര്‍ പ്രസംഗിച്ചു.
എം.പി.കുഞ്ഞമ്മത് കുട്ടി റിപ്പോര്‍ട്ടവതരിപ്പിച്ചു. ഗഫൂര്‍ നിസാമി പ്രാര്‍ത്ഥനയ്ക്ക് നേതൃത്വം നല്‍കി.
ഹംസ ഫൈസി, അന്‍വര്‍ ഹൈതമി, റഊഫ് യമാനി, മുഹമ്മദ് റാഫി ബാഖവി, എം.കെ. െമായ്തീല്‍ ഹാജി, ടി.എന്‍. കുഞ്ഞമ്മത് കുട്ടി, തണ്ടോറ സൂപ്പി ഹാജി, എം.പി. മൊയ്തു ഹാജി, പി.കെ. അബൂബക്കര്‍, കുഞ്ഞമ്മദ് പേരാമ്പ്ര സംബന്ധിച്ചു.
എന്‍.കെ. അബ്ദുസ്സലാം സ്വാഗതവും പൂളക്കണ്ടി കുഞ്ഞമ്മത് ഹാജി നന്ദിയും പറഞ്ഞു.
The Mahal system should be strengthened for social upliftment
