---
title: "വിധവകളെ സംരക്ഷിക്കുന്നവർക്ക് ധനസഹായം;അപേക്ഷ ക്ഷണിച്ചു "
english_title: "Financial assistance to widow protectors; applications invited"
publisher: "perambranews.in"
canonical_url: "https://perambra.truevisionnews.com/news/71348/financial-assistance-to-widow-protectors-applications-invited"
published_at: "2022-09-28T16:35:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/63342ac0e6232_abhayakiranam.jpg"
keywords: []
---

# വിധവകളെ സംരക്ഷിക്കുന്നവർക്ക് ധനസഹായം;അപേക്ഷ ക്ഷണിച്ചു 

> **Lead Summary:** **പേരാമ്പ്ര**: സ്വന്തമായി വീടോ മറ്റ് സൗകര്യമോ ഇല്ലാതെ ബന്ധുക്കളുടെ ആശ്രയത്തിൽ കഴിയുന്ന 50 വയസ്സിന് മുകളിൽ പ്രായമുള്ള വിധവകളെ സംരക്ഷിക്കുന്നവർക്ക് പ്രതിമാസം ധനസഹായം.

## Article Content

**പേരാമ്പ്ര**: സ്വന്തമായി വീടോ മറ്റ് സൗകര്യമോ ഇല്ലാതെ ബന്ധുക്കളുടെ ആശ്രയത്തിൽ കഴിയുന്ന 50 വയസ്സിന് മുകളിൽ പ്രായമുള്ള വിധവകളെ സംരക്ഷിക്കുന്നവർക്ക് പ്രതിമാസം ധനസഹായം.

അഭയ കിരണം പദ്ധതിയ്ക്ക് കീഴിൽ 1000 രൂപ നിരക്കിലാണ് ധനസഹായം. 2022-23 വർഷത്തിൽ ധനസഹായം അനുവദിക്കുന്നതിനുള്ള അപേക്ഷ ക്ഷണിച്ചു.  അപേക്ഷകരിൽ ബി.പി.എൽ അല്ലാത്ത വിധവകളുടെ വാർഷിക വരുമാനം ഒരു ലക്ഷം രൂപയിൽ കവിയാൻ പാടില്ല.

വിധവകൾ സർവ്വീസ് പെൻഷൻ/കുടുംബ പെൻഷൻ എന്നിവ കൈപ്പറ്റുന്നവരാകരുത്. വിധവകൾക്ക് പ്രായപൂർത്തിയായ മക്കൾ ഉണ്ടാവാനും പാടില്ല.

വിധവകളെ സംരക്ഷിക്കുന്ന അപേക്ഷകർ ക്ഷേമ പെൻഷനുകളോ സാമൂഹ്യനീതി നടപ്പിലാക്കുന്ന മറ്റു ധനസഹായങ്ങളോ(ആശ്വാസകിരണം,സമാശ്വാസം) ലഭിക്കുന്നവരായിരിക്കരുത്.

മുൻ വർഷം ധനസഹായം ലഭിച്ച അപേക്ഷകർ വീണ്ടും അപേക്ഷ സമർപ്പിക്കേണ്ടതാണ്. www.schemes.wcd.kerala.gov.in വെബ്സൈറ്റ് വഴി ഒക്ടോബർ 20 ന് മുൻപ് ഓൺലൈനായ് അപേക്ഷ സമർപ്പിക്കേണ്ടതാണ്.

കൂടുതൽ വിവരങ്ങൾക്ക് അടുത്തുള്ള അങ്കണവാടിയുമായോ ബ്ലോക്ക് തലത്തിൽ പ്രവർത്തിക്കുന്ന ശിശു വികസന പദ്ധതി ഓഫീസുമായോ ബന്ധപ്പെടേണ്ടതാണ്.

### Related Links & Sources
- [Original Story Source](https://perambra.truevisionnews.com/news/71348/financial-assistance-to-widow-protectors-applications-invited)