പേരാമ്പ്ര: ടാര് ചെയ്ത റോഡ് സൈഡില് മഴയില് ഉറവപൊട്ടി വെള്ളം ഒഴുകി യാത്രക്കാരും നാട്ടുകാരും ദുരിതത്തില്.
വടകര - ചാനിയംകടവ് - പേരാമ്പ്ര റോഡില് മുയിപ്പോത്ത് പെട്രോള് പമ്പിന് മുന്നിലാണ് റോഡിലൂടെ വെള്ളം ഒഴുകുന്ന നിലയിലുള്ളത്.
നിരവധി വാഹനങ്ങള് കടന്ന് പോകുന്ന വഴിയില് ഉറവയില് നിന്ന് വെള്ളമൊഴുകി വാഹനങ്ങള് പോകുമ്പോള് യാത്രക്കാരുടെ ദേഹത്തേക്ക് വെള്ളം തെറിക്കുന്ന അവസ്ഥയാണുള്ളത്.
ഇവിടെ റോഡ് പണി നടക്കുന്നതിന് മുന്മ്പ് തന്നെ ഇവിടെ വെള്ളം നില്ക്കുന്ന സ്ഥലമായിരുന്നു. അന്ന് തന്നെ ഇത് അധികാരികളുടെ ശ്രദ്ധയില് പെടുത്തിയിരുന്നു.
ഡ്രൈനേജിന്റെ പണിക്ക് കോണ്ക്രീറ്റിനു ദ്വാരം കൊടുക്കണമെന്നും നാട്ടുകാര് ആവശ്യപ്പെട്ടിരുന്നു. അന്ന് ഇത് ചെയ്യാത്തിന്റെയും ശ്രദ്ധിക്കാത്തതിന്റെയും പരിണിത ഫലമാണ് ഇന്ന് ഇവിടെ കാണുന്നത്.
ഓവുചാല് റോഡില് നിന്ന് ഉയര്ന്ന് നില്ക്കുന്നതിനാല് വെള്ളം ഇത് വഴി ഒലിച്ച് പോകുന്നില്ല.
റോഡില് വെള്ളം കെട്ടി കിടക്കുന്ന അവസ്ഥയാണ് ഇപ്പോഴുള്ളത്. വെള്ളം കുത്തിയൊഴുകി ടാറിങും തകരുകയാണ്.
റോഡിന്റെ ടാറിങ്ങും പലയിടത്തും ഇളകി. വാഹനങ്ങള് ഇതുവഴി വരാന് മടിക്കുകയാണ് വഴിയാത്രക്കാരും ഇതുമൂലം ബുദ്ധിമുട്ടിലാണ്.
മണ്ണ് നിറഞ്ഞ് റോഡില് അപകടവും റോഡ് നശിച്ചു പോകുന്ന സ്ഥിതിയുമാണ് കാണുന്നത്. ഇതിന് ഉടന് പരിഹാരം കാണണമെന്ന് നാട്ടുകാര് ആവശ്യപ്പെട്ടു.
The road in front of the Muipot petrol pump explodes; The locals want a solution immediately