മേപ്പയ്യൂര്: പാവട്ട്കണ്ടിമുക്കില് അനധികൃത മണ്ണെടുപ്പ് നടത്തിയതിനെ തുടര്ന്ന് മണ്ണ് മാന്തി യന്ത്രം പിടിച്ചെടുത്ത് റവന്യൂ അധികൃതര്. കൊയിലാണ്ടി താലൂക്ക് ഓഫീസില് ലഭിച്ച വിവരത്തിന്റെ അടിസ്ഥാനത്തില് റവന്യൂ ഉദ്ദ്യോഗസ്ഥര് സ്ഥലത്തെത്തി പരിശോധന നടത്തി.
അനുമതി ലഭിക്കാതെയും അവധി ദിവസങ്ങളില് മണ്ണ് എടുപ്പ് നടത്തിയതിനും ജെസിബി പിടിച്ചെടുക്കുകയും താലൂക്കാഫീസില് എത്തിക്കാന് ആവശ്യപ്പെടുകയും ചെയ്തു. എന്നാല് സ്ഥലത്തെത്തിയ ഉദ്ദ്യോഗസ്ഥരുടെ ജോലി തടസ്സപ്പെടുത്താന് ശ്രമിച്ചതിനെ തുടര്ന്ന് മേപ്പയ്യൂര് പോലീസിന്റെ സഹായത്തോടെ കസ്റ്റഡിയില് എടുത്ത ജെസിബി മേപ്പയ്യൂര് സ്റ്റേഷന് അതിര്ത്തിവരെയും തുടര്ന്ന് കൊയിലാണ്ടി പോലീസിന്റെ സഹായത്തോടെ സ്റ്റേഷനില് എത്തിക്കുകയും ചെയ്തു.
കൊഴുക്കല്ലൂര് വില്ലേജ് ഓഫീസര് സ്റ്റോപ്പ് മേമ്മോ കൊടുത്ത സ്ഥലത്ത് നിന്നാണ് മണ്ണെടുപ്പ് നടത്തിയതെന്നും ഉദ്ദ്യോഗസ്ഥരുടെ ജോലി തടസ്സപ്പെടുത്തിയതിനും അവധി ദിവസം മണ്ണെടുപ്പ് നടത്തിയതിനും സ്ഥലം ഉടമയ്ക്ക് ഏതിരെ നടപടിയെടുത്തതായി താഹസില്ദാര് സി.പി മണി പറഞ്ഞു.
Unauthorized land acquisition in Maypayur: Revenue Department seizes earthmoving machine