കൊയിലാണ്ടി: ചെറിയമങ്ങാട് ഫിഷര്‍മെന്‍ കോളനിയിലെ പ്രമോദ് (28) വധക്കേസ് പ്രതി ചെറിയമങ്ങാട് വേലി വളപ്പില്‍ വികാസിന് ജീവപരന്ത്യവും, മൂന്ന് വര്‍ഷം കഠിന തടവിനും ശിക്ഷ 2 ലക്ഷം രൂപ പിഴയും വിധിച്ചു.
കോഴിക്കോട് ഫസ്റ്റ്.അഡീഷണല്‍ ഡിസ്ട്രിക് ആന്‍ഡ് സെഷന്‍സ് ജഡ്ജ് കെ.അനില്‍കുമാറാണ് ശിക്ഷ വിധിച്ചത്.2018 മാര്‍ച്ച് 13നാണ് കേസിനാസ്പദമായ സംഭവം.
ഇരുവരും തമ്മിലുണ്ടായ വാക് തര്‍ക്കം സംഘട്ടനത്തില്‍ പരിക്ക് പറ്റിയ പ്രമോദിനെ ആശുപത്രിയില്‍ കൊണ്ടു പോകുന്നത് വികാസ് തടഞ്ഞു.
കൊയിലാണ്ടി എസ്‌ഐ ഷിജു എബ്രഹാം, വിജേഷ്, ഡ്രൈവര്‍ ഒ.കെ. സുരേഷ്, തുടങ്ങിയവര്‍ ചേര്‍ന്നാണ് ആശുപത്രിയില്‍ എത്തിച്ചത്.
മെഡിക്കല്‍ കോളെജിലും എത്തിച്ചെങ്കിലും, 15-ാം തിയ്യതി പുലര്‍ച്ചെ മരണമടയുകയായിരുന്നു.
പ്രമോദിന്റെ പരുക്ക് ഗുരുതരമായതിനെ തുടര്‍ന്ന് കൊയിലാണ്ടി താലൂക്ക് ആശുപത്രിയില്‍ കൗണ്ടര്‍ കേസ് കൊടുക്കാനായി ആശുപത്രിയില്‍ അഡ്മിറ്റ് ചെയ്യാന്‍ എത്തിയ പ്രതിയെ സിഐ ഉണ്ണികൃഷ്ണന്‍ സമര്‍ത്ഥമായി കസ്റ്റഡിയിലെടുക്കുകയായിരുന്നു.
മേപ്പയ്യൂര്‍ സിഐയായ കെ. ഉണ്ണികൃഷ്ണനാണ് കേസന്വേഷണം നടത്തിയത്. പബ്ലിക് പ്രോസിക്യൂട്ടര്‍ കെ.എം. ജയകുമാര്‍ ആണ് കേസ് വാദിച്ചത്.
Pramod murder case in Koyilandy Fishermen's Colony
.jpg)
