പേരാമ്പ്ര: കൃഷിയിടത്തില്‍ കയറിയ കാട്ടുപന്നിയെ കൊന്നെങ്കിലും നഷ്ടപരിഹാരം നല്‍കാതെ പന്നിയെ വനംവകുപ്പിന് വിട്ടുകൊടുക്കാന്‍ തയ്യാറാവാതിരുന്ന കര്‍ഷകനെ ഡിഎഫ്ഒ യുടെ നേതൃത്വത്തില്‍ അനുനയിപ്പിച്ചു.
ഭിന്നശേഷിക്കാരനായ പെരുവണ്ണാമൂഴി മഠത്തില്‍ ജോണ്‍സനാണ് കൃഷിക്ക് നഷ്ടപരിഹാരം നല്‍കുമെന്ന ഡിഎഫ്ഒ യുടെ ഉറപ്പിന്‍ മേല്‍ സോളാര്‍ കെണി ഉപയോഗിച്ച് കൊന്ന കാട്ടുപന്നിയെ വനംവകുപ്പിന് വിട്ടുനല്‍കിയത്.
കേരളത്തില്‍ തന്നെ ആദ്യമായിട്ടായിരിക്കും എഴുപത്തിയഞ്ച് ശതമാനം ഭിന്നശേഷിക്കാരനായ ഒരാള്‍ കാട്ടുപന്നിയെ സോളാര്‍ കെണി ഉപയോഗിച്ച് കൊല്ലുന്നത്. കൃഷി സ്ഥലത്ത് കയറുന്ന കാട്ടുപന്നിയെ കൊല്ലാന്‍ ഹൈക്കോടതിയുടെ അനുമതി ലഭിച്ച 13 കര്‍ഷരില്‍ ഒരാളാണ് ജോണ്‍സണ്‍.
ഇന്നലെ രാത്രിയായിരുന്നു സംഭവം. പന്നിയെ കൊന്ന ശേഷം വനംവകുപ്പിനെ അറിയിച്ചതിനെ തുടര്‍ന്ന് അവര്‍ എത്തുകയും പന്നിയെ കൊണ്ടുപോകാന്‍ ശ്രമിക്കുകയുമായിരുന്നു. എന്നാല്‍ നഷ്ടപരിഹാരം നല്‍കാതെ വിട്ടു നല്‍കില്ലെന്ന നിലപാടെടുക്കുകയായിരുന്നു ജോണ്‍സണ്‍.
തുടര്‍ന്ന് വനം വകുപ്പ് ഡിഎഫ്ഒ യെ വിവരം അറിയിക്കുകയും നഷ്ട പരിഹാരം നല്‍കുമെന്ന ഉറപ്പിന്‍ മേല്‍ പന്നിയെ വിട്ടു നല്‍കുകയായിരുന്നു. ഭാര്യയും രണ്ട് മക്കളുമടങ്ങുന്ന കുടുംബം ഒന്നേകാല്‍ ഏക്കര്‍ കൃഷിയില്‍ നിന്നുള്ള വരുമാനം കൊണ്ടായിരുന്നു കുടുംബം പുലര്‍ത്തിയിരുന്നത്.
എന്നാല്‍ വന്യമൃഗശല്യം കാരണം കൃഷിയില്‍ നിന്നും ആറുകൊല്ലമായി വരുമാനം ലഭിക്കാത്തതെന്നും ജോണ്‍സന്‍ പറഞ്ഞു. ഇതോടെ കൃഷിക്കായ് എടുത്ത ലോണും തിരിച്ചടക്കാനാവാതെ ബുദ്ധിമുട്ടുകയാണ് കുടുംബം.
നിത്യചിലവിനു പോലും ബുദ്ധിമുട്ടുന്ന ഭിന്നശേഷിക്കാരനും കുടുംബവും നിരവധി തവണ ബന്ധപ്പെട്ടവര്‍ക്ക് പരാതി നല്‍കിയെങ്കിലും ഇതുവരെയും യാതൊരു പരിഹാരവുമായില്ല. ഇതിനെതിരെ ഈ മാസം 8ന് തെങ്ങിന്‍ ചുവട്ടില്‍ സമരം ചെയ്യാനൊരുങ്ങുകയായണ് ജോണ്‍സണ്‍.
ഇതു സംബന്ധിച്ച് മുഖ്യമന്ത്രിക്കും വനം വകുപ്പിനും ജില്ലാകലക്ടര്‍ക്കും പരാതി നല്‍കിയിട്ടുണ്ട്.
Johnson kills wild boar with solar trap
_(22).jpeg)
.jpeg)
.jpeg)
_(22).jpeg)
