ചക്കിട്ടപ്പാറ: കേരള കര്‍ഷക അതിജീവന സംയുക്ത സമിതി(കാസ്)യുടെ നേതൃത്വത്തില്‍ നടത്തുന്ന ജനജാഗ്രത യാത്രക്ക് പിന്തുണയുമായി ബിജെപി. മലബാര്‍ വന്യജീവി സങ്കേതത്തിന്റെ കരുതല്‍ മേഖല വിഷയത്തില്‍ തയ്യാറാക്കിയ ഉപഗ്രഹ സര്‍വ്വേ റിപ്പോര്‍ട്ടിന്റെ അപാകതയ്‌ക്കെതിരെയാണ് കര്‍ഷകര്‍ ജനജാഗ്രത യാത്ര സംഘടിപ്പിക്കുന്നത്.
ജനജാഗ്രത യാത്രക്ക് പിന്തുണ അറിയിക്കുന്നതായി ബിജെപി ചക്കിട്ടപ്പാറ പഞ്ചായത്ത് കമ്മിറ്റി പ്രസിഡന്റ് പി.വി. സന്തോഷ്, സെക്രട്ടറി സുനില്‍ മാക്കുന്നുമ്മല്‍, ജില്ല കമ്മിറ്റി അംഗം ബാബു പുതുപറമ്പില്‍ എന്നിവര്‍ അറിയിച്ചു.
ഡിസംബര്‍ 19 ന് പൂഴിത്തോട് നിന്നും കാക്കയത്ത് നിന്നുമായി ഒരേസമയം രണ്ട് യാത്രകളാണ് ജനജാഗ്രത യാത്ര നടത്തുന്നത്. കോഴിക്കോട് കാസ് കണ്‍വീനര്‍ ബോണി ജേക്കബ് ആനത്താനം, കാസ് കേരള ലീഗല്‍ അഡൈ്വസര്‍ സുമിന്‍ എസ് നെടുങ്ങാടന്‍ എന്നിവരാണ് ജാഥകള്‍ നയിക്കുന്നത്.
ഇരുയാത്രകളും വൈകിട്ട് 5 മണിക്ക് കൂരാച്ചുണ്ടില്‍ സംഗമിച്ച് ബഹുജന റാലിയോട് കൂടി സമാപിക്കും. പഞ്ചായത്ത് ബസ്റ്റാന്‍ഡ് പരിസരത്ത് പൊതുസമ്മേളനം നടത്തും. പൊതുസമ്മേളനം കാസിന്റെ രക്ഷാധികാരിയും താമരശ്ശേരി രൂപതാ അധ്യക്ഷനുമായ മാര്‍. റെമിജിയോസ് ഇഞ്ചനാനിയില്‍ ഉദ്ഘാടനം ചെയ്യും.
All Kerala Beauties Organization Perampra Block Convention
