പേരാമ്പ്ര: ചങ്ങരോത്ത് ഗ്രാമപഞ്ചായത്തിലെ പന്തിരിക്കര ടൗണില് ആരോഗ്യവകുപ്പിന്റെ മിന്നല് പരിശോധന. ബേക്കറി, ടീ ഷോപ്പ്, മീന്കട, മറ്റു ഭക്ഷ്യ വില്പനശാലകള് എന്നിവിടങ്ങളിലാണ് പരിശോധന നടത്തിയത്.
ശുചിത്വ പരിപാലനം, വൃത്തിഹീനവും ഭക്ഷണം കൈകാര്യം ചെയ്യുന്നതിലെ പാകപ്പിഴകളും, വെള്ളത്തിന്റെ ഗുണനിലവാരം, ആഹാരം എടുത്തു കൊടുക്കുന്ന രീതി ഇവയിലൊക്കെ ശുചിത്വം പാലിക്കാന് കര്ശന നിര്ദ്ദേശം നല്കി.
ആരോഗ്യ വകുപ്പ് നിബന്ധനകളും മാര്ഗനിര്ദേശങ്ങളും അനുസരിക്കാത്തവര്ക്കെതിരെ അടച്ചുപൂട്ടല് ഉള്പ്പെടെയുള്ള നിയമ നടപടികള് നേരിടേണ്ടി വരുമെന്ന് ഹെല്ത്ത് ഇന്സ്പെക്ടര് എ.ടി പ്രെമീള മുന്നറിയിപ്പു നല്കി.
പരിശോധനയില് ഹെല്ത്ത് ഇന്സ്പെക്ടര് എ.ടി പ്രമീള, ജൂനിയര് ഹെല്ത്ത് ഇന്സ്പെക്ടര്മാരായ ടി.പി ഷാജി, ജോബിന് വര്ഗീസ്, കുമാരി അമൃത, കുമാരി കൃഷ്ണേന്ദു, ജെപിഎച്ച്എന് കെ സരിത, സില്ജനാരായണന്, റീജ എന്നിവര് പങ്കെടുത്തു.
ശുചിത്വം ഉറപ്പാക്കുന്നതിന് നിയമ നടപടികളുമായി മുന്നോട്ടു പോകാന് മെഡിക്കല് ഓഫീസര് ആനന്ദ് ഗ്രാമപഞ്ചായത്ത് സെക്രട്ടറി കെ കൃഷ്ണകുമാര് എന്നിവര് തീരുമാനിച്ചു. വരും ദിവസങ്ങളിലും കര്ശന പരിശോധന ഉണ്ടാകുമെന്ന് ആരോഗ്യവകുപ്പ് അറിയിച്ചു.
Department of Health with lightning inspection at Changaroth Panthirikara