അന്തരിച്ച ഐടിബിപി സൈനികന്റെ സംസ്‌കാരം നാളെ 10 മണിക്ക്

By | Thursday December 5th, 2019

SHARE NEWS

പേരാമ്പ്ര : സഹപ്രവര്‍ത്തകന്റെ വെടിയേറ്റ് മരിച്ച പേരാമ്പ്ര കല്ലോട്ടെ ഐടിബിപി ഉദ്യോഗസ്ഥന്‍ ബിജീഷിന്റെ ഭൗതിക ശരീരം ഔദ്യോഗിക ബഹുമതികളോടെ നാളെ കാലത്ത് 10 മണിക്ക് വീട്ടുവളപ്പില്‍ സംസ്‌കരിക്കും.

ഇന്ന് രാത്രി 9 മണിയോടെ നെടുമ്പാശ്ശേരി വിമാനത്താവളത്തിലെത്തിച്ച മൃതദേഹം നാളെ കാലത്ത് 5 മണിയോടെ കോഴിക്കോട് സൈനിക റസ്റ്റ് ഹൗസിലെത്തിക്കും. അവിടുന്ന് സേനയുടെ ഔദ്യോഗിക ബഹുമതികളോടെ യാത്രയയപ്പ് നല്‍കും.

7 മണിയോടെ പേരാമ്പ്ര കൈതക്കല്‍ റോയല്‍ സ്‌റ്റോണിന് സമീപത്ത് വെച്ച് ഏറ്റുവാങ്ങുന്ന മൃതദേഹം വിലാപയാത്രയായി കല്ലോട് പ്രത്യേകം തയ്യാറാക്കിയ പന്തലില്‍ എത്തിക്കും. ഇവിടെ നാട്ടുകാര്‍ക്കും പൊതുജനങ്ങള്‍ക്കും അന്തിമോപചാര മര്‍പ്പിക്കുന്നതിനായ് 9 മണിവരെ പൊതുദര്‍ശനത്തിന് വെക്കും.

തുടര്‍ന്ന് അയ്യപ്പന്‍ചാലില്‍ വീട്ടിലെത്തിക്കുന്ന ഭൗതിക ശരീരം ബന്ധുക്കളുടെ അന്തിമോപചാരങ്ങള്‍ക്കും ചടങ്ങുകള്‍ക്കും ശേഷം ഔദ്യോഗിക ബഹുമതികളോടെ നാളെ കാലത്ത് 10 മണിക്ക് വീട്ടുവളപ്പില്‍ സംസ്‌കരിക്കും. പേരാമ്പ്ര പട്ടണത്തില്‍ 11 മണിവരെ പരേതനോടുള്ള ആദര സൂചകമായി ഹര്‍ത്താല്‍ ആചരിക്കും.

ചുവടെ കൊടുക്കുന്ന അഭിപ്രായങ്ങള്‍ പേരാമ്പ്രന്യൂസിന്റെതല്ല. സോഷ്യല്‍ നെറ്റ്‌വര്‍ക്ക് വഴി ചര്‍ച്ചയില്‍ പങ്കെടുക്കുന്നവര്‍ അശ്ലീലമോ അസഭ്യമോ തെറ്റിദ്ധാരണാജനകമോ അപകീര്‍ത്തികരമോ നിയമവിരുദ്ധമോ ആയ അഭിപ്രായങ്ങള്‍ പോസ്റ്റ് ചെയ്യുന്നത് സൈബര്‍ നിയമപ്രകാരം ശിക്ഷാര്‍ഹമാണ്. വ്യക്തികള്‍, മതസ്ഥാപനങ്ങള്‍ എന്നിവയ്‌ക്കെതിരേയുള്ള പരാമര്‍ശങ്ങള്‍ ഒഴിവാക്കേണ്ടതാണ്

Send News:

Your email address will not be published. Required fields are marked *

*

*

Also Read