അധ്യാപക രക്ഷാകര്‍തൃ ശില്പശാല സംഘടിപ്പിച്ചു

By | Sunday November 17th, 2019

SHARE NEWS

പേരാമ്പ്ര : മേപ്പയ്യൂര്‍ ഗവ. വൊക്കേഷണല്‍ ഹയര്‍ സെക്കന്റെറി സ്‌കൂളില്‍ ദിശ 2019 -20 അധ്യാപക രക്ഷാകര്‍തൃ ശില്പശാല നടത്തി. സ്‌കൂളിലെ മുഴുവന്‍ അധ്യാപകരും മറ്റ് ജീവനക്കാരും രക്ഷിതാക്കളും പങ്കെടുത്തു.

സ്‌കൂളിലെ സമഗ്ര വികസന പ്രവര്‍ത്തനം ലക്ഷ്യമാക്കി അച്ചടക്കം, അക്കാദമിക പ്രവര്‍ത്തന പദ്ധതികള്‍, ശുചിത്വം ഉച്ചഭക്ഷണം കുടിവെള്ളം, ഭൗതിക സാഹചര്യങ്ങളുടെ വിനിയോഗം എന്നിങ്ങനെ മേഖലകളായി തരം തിരിച്ച് ചര്‍ച്ചയും, സെമിനാറുകളും അവതരിപ്പിച്ചു.

നടപ്പിലാക്കേണ്ട വിവിധ പദ്ധതികള്‍ ഗ്രൂപ്പ് കണ്‍വീനര്‍മാര്‍ അവതരിപ്പിച്ചു. ചടങ്ങില്‍ വടകര ഡിഇഒ ജവഹര്‍ മനോഹര്‍, എസ്‌സിഇആര്‍ടി മുന്‍ ഫാക്കല്‍ട്ടി കെ.ടി. ദിനേശന്‍ എന്നിവര്‍ മുഖ്യാതിഥികളായിരുന്നു. ചടങ്ങ് എസ്എസ്‌കെ ജില്ലാ കോഡിനേറ്റര്‍ എ.കെ. അബ്ദുള്‍ ഹക്കീം ഉദ്ഘാടനം ചെയ്തു. പിടിഎ പ്രസിഡന്റ് കെ. രാജീവന്‍ അധ്യക്ഷത വഹിച്ചു. വി. മുജീബ്, എ്‌സി. അനൂപ്, ഹയര്‍ സെക്കന്ററി പ്രിന്‍സിപ്പള്‍ എം.എം. സുധാകരന്‍, വി എച്ച്എസ്‌സി പ്രിന്‍സിപ്പള്‍ ആര്‍.എം. സരിത, ഹൈസ്‌കൂള്‍ പ്രധാനാധ്യാപിക ഉഷ പഴവീട്ടില്‍, ഡെപ്യൂട്ടി ഹെഡ്മാസ്റ്റര്‍ വി.പി. ഉണ്ണികൃഷ്ണന്‍, സ്റ്റാഫ് സെക്രട്ട്രറി ടി.കെ. ജയേഷ്, പി. ദിനേശന്‍, വി.പി. സതീശന്‍ എന്നിവര്‍ സംസാരിച്ചു.

ചുവടെ കൊടുക്കുന്ന അഭിപ്രായങ്ങള്‍ പേരാമ്പ്രന്യൂസിന്റെതല്ല. സോഷ്യല്‍ നെറ്റ്‌വര്‍ക്ക് വഴി ചര്‍ച്ചയില്‍ പങ്കെടുക്കുന്നവര്‍ അശ്ലീലമോ അസഭ്യമോ തെറ്റിദ്ധാരണാജനകമോ അപകീര്‍ത്തികരമോ നിയമവിരുദ്ധമോ ആയ അഭിപ്രായങ്ങള്‍ പോസ്റ്റ് ചെയ്യുന്നത് സൈബര്‍ നിയമപ്രകാരം ശിക്ഷാര്‍ഹമാണ്. വ്യക്തികള്‍, മതസ്ഥാപനങ്ങള്‍ എന്നിവയ്‌ക്കെതിരേയുള്ള പരാമര്‍ശങ്ങള്‍ ഒഴിവാക്കേണ്ടതാണ്

Send News:

Your email address will not be published. Required fields are marked *

*

*

Also Read