പേരാമ്പ്ര : വയനാടിനെയും കോഴിക്കോടിനെയും ബന്ധിപ്പിച്ചു കൊണ്ട് ചുരമില്ലാത്ത പടിഞ്ഞാറത്തറ - പൂഴിത്തോട് റോഡിന്റെ പഠനത്തിനായി സര്‍ക്കാര്‍ ഉത്തരവ് ഇറക്കിയതായി ടി.പി. രാമകൃഷ്ണന്‍ എം എല്‍ എ അറിയിച്ചു.
റോഡിന്റെ നിര്‍മ്മാണത്തിനാവശ്യമായ വിശദമായ പഠനം നടത്തുന്നതിനായ് 1.5 കോടി രൂപയും സര്‍ക്കാര്‍ അനുവദിച്ചിട്ടുണ്ട്. പേരാമ്പ്ര നിയോജക മണ്ഡലത്തിലെ പൂഴിത്തോട് നിന്ന് വയനാട്ടിലെ പടിഞ്ഞാറത്തറ വരെ 27 കിലോമീറ്റര്‍ ദൂരത്തില്‍ ശാസ്ത്രീയ പഠനം നടത്തുന്നതിനായാണ് തുക അനുവദിച്ചിട്ടുള്ളത്.
മലയോര മേഖലയിലെ ജനങ്ങളുടെ വര്‍ഷങ്ങളായുള്ള ആവശ്യത്തിനാണ് ഇതോടെ അംഗീകാരമാവുന്നത്. വയനാട്ടില്‍ നിന്നും കോഴിക്കോട് എത്തിച്ചേരാനുള്ള ദുരിത യാത്രക്ക് അറുതി ആവശ്യപ്പെട്ടാണ് പുതിയ ബദല്‍ പാത എന്ന ആവശ്യം ഉയര്‍ന്നത്.
The government ordered to allocate funds for the study of the West Road to Poozhi
